కొల్లాపూర్, జూలై 19 : కాంగ్రెస్ ప్రభుత్వం రైతులకు ఇచ్చిన హామీ ప్ర కారం రూ.2లక్షల రుణం తీసుకున్న రైతులందరికీ రాజకీయాలకు అతీతంగా రుణమాఫీని వర్తింపజేయాలని మాజీ ఎమ్మెల్యే బీరం హ ర్షవర్ధన్రెడ్డి ప్రభుత్వాన్ని డిమాండ్ చేశారు. శుక్రవారం ఆయన కొల్లాపూర్లో విలేకరులతో మాట్లాడు తూ ప్రభుత్వం చేపట్టిన రుణమాఫీ ప్రక్రియ గందరగోళంగా ఉందని వి మర్శించారు. చాలా మంది రైతులకు రుణమాఫీ ఎందుకు కాలేదో బ్యాంకు వాళ్లూ చెప్పలేని స్థితిలో ఉన్నారంటే ఇది చిత్తశుద్ధి లేని రుణమాఫీ ప్రక్రియ అని అర్థమవుతోందని ఎద్దేవా చేశారు.
రూ.20 వేలు తీసుకున్న సన్నకారు రైతులకు కూడా నిబంధనల పేరుతో రుణమాఫీ చేయలేదన్నారు. ప్రభుత్వం ఇప్పటికైనా రుణమాఫీ కాని రైతుల వివరాలను తీసుకొని రూ.2లక్షలలోపు రుణాలు మొత్తం మాఫీ చేయాలన్నారు. ప్రభుత్వం చెప్పిన విధంగా కటాఫ్ తేదీ నుంచి అందరి రైతుల రుణాలను మాఫీ చేయాలని అలాగే పాత అప్పుల కింద రుణాలు జమ కాకుండా రైతులకు కొత్త రుణాలను ఇవ్వాలన్నారు. వానకాలం పంటలను సాగు చేసుకునేందుకు రైతులు అప్పులు తెచ్చుకునే పరిస్థితి ఉందని, వెం టనే రైతు భరోసా విడుదల చేయాలని డిమాండ్ చేశారు.