మహబూబ్నగర్ అర్బన్, జూన్ 8 : అతి సామాన్య కు టుంబంలో జన్మించి, అసామాన్య విజయాలు సాధించిన రామోజీరావు మృతి బాధాకరమని మాజీ మంత్రి శ్రీనివాస్గౌడ్ అన్నారు. శనివారం తెల్లవారుజామున రామోజీరావు మృతి చెందారనే విషయం తెలియడంతో ఆవేదనకు గురయ్యారు. ఆయన నిబద్ధత, క్రమశిక్షణ, పట్టుదలతో బతికారని, తెలుగు జర్నలిజానికి విశ్వసనీయత, వి లువలు జోడించిన వ్యక్తని కొనియాడారు. సినిమా, వినో ద రంగానికి ఆయన అందించిన సేవలు చిరకాలం గు ర్తుండిపోతాయన్నారు. రామోజీ ఆత్మకు శాంతి కలగాలని ప్రార్థించారు. వారి కుటుంబసభ్యులకు ప్రగాఢ సానుభూ తి తెలిపారు. గతంలో రామోజీరావును కలిసినప్పటి ఫొ టోను సోషల్ మీడియాలో షేర్ చేశారు.
గద్వాల, జూన్ 8 : ఈనాడు గ్రూప్ సంస్థల అధినేత రామోజీరావు సంపాదించిన గొప్ప ఖ్యాతి మరెవరికీ సా ధ్యపడదని.. అలాంటి మహోన్నత వ్యక్తి మృతి చెందడం బాధాకరమని గద్వాల ఎమ్మెల్యే బండ్ల కృష్ణమోహన్రెడ్డి ప్రకటనలో పేర్కొన్నారు. రామోజీరావు సామాన్యుడిగా జీవితాన్ని ప్రారంభించి అత్యున్నత స్థాయికి ఎదిగారని.. జీవితాంతం నిబద్ధత, క్రమశిక్షణతో ఉన్నారన్నారు. పత్రి క, టీవీ, సినిమా రంగాల్లో రామోజీరావు సాధించిన విజయాలు తెలుగు జాతికి గర్వకారణంగా నిలిచాయని కొనియాడారు. తెలుగు వాడి సత్తాను యావత్ ప్రపంచానికి చాటి చెప్పిన రామోజీ చిరస్మరణీయులని, ఆయన ఆత్మకు శాంతి చేకూరాలని ప్రార్థిస్తున్నట్లు తెలిపారు.
మక్తల్, జూన్ 8 : రామోజీరావు మరణం రెండు తెలుగు రాష్ట్రాల ప్రజలకు ఎంతో బాధను మిగిల్చిందని మాజీ ఎమ్మెల్యే చిట్టెం రామ్మోహన్ రెడ్డి అన్నారు. రామోజీరావు మరణించిన విషయం తెలియడంతో శనివారం మక్తల్లోని ఆయన నివాసంలో విలేకరుల సమావేశంలో మాట్లాడారు. సామాన్య కుటుంబంలో జన్మించిన రామోజీరావు అసామాన్య విజయాలు సాధించారని అన్నారు. పత్రికను స్థాపించి జర్నలిజానికి, సినిమా, వినోద రం గంలో ఆయన సేవలు చెరగని ముద్ర వేశాయన్నారు. రామోజీరావు ఆత్మకు శాంతి చేకూరాలని, వారి కుటుంబ సభ్యులకు ప్రగాఢ సానుభూతి తెలిపారు.