వనపర్తి, మే 1 : తెలంగాణ తొలి ఉద్యమం నుంచి మలిదశ ఉద్యమం వరకు కాంగ్రెస్ ప్రజలను నయవంచన చేస్తూనే ఉన్నదని, ఓట్ల కోసం ఎంతకైనా దిగజారుతుందని మాజీ మంత్రి సింగిరెడ్డి నిరంజన్రెడ్డి పేర్కొన్నారు. బుధవారం జిల్లా కేంద్రంలోని రాజీవ్చౌరస్తాలో పలు కార్మిక సంఘాల ఆధ్వర్యంలో నిర్వహించిన మేడే ఉత్సవాల్లో బీఆర్ఎస్ నాగర్కర్నూల్ పార్లమెంట్ అభ్యర్థి ఆర్ఎస్ ప్రవీణ్కుమార్తో కలిసి పాల్గొని జెండాను ఎగురవేశారు. అనంతరం మాజీ మంత్రి మా ట్లాడుతూ తెలంగాణ రాష్ర్టానికి మోదీ సర్కారు చేసిందేమీ లేదని, పేదలు, కార్మికులకూ ఒరిగిందేమీ లేదన్నా రు. మోదీ చేసిందంతా అదానీ, అంబానీలకు రూ.వేల కోట్ల ప్రజాధనాన్ని దోచిపెట్టడం తప్పా మరొకటి లేదని విమర్శించారు.
కేవలం కార్మికుల మేలు జరిగిందంటే కేసీఆర్ హయాంలోనేనన్నారు. గత ప్రభుత్వం అమలు చేసిన పథకాలను హైజాక్ చేసి ఇప్పుడు ఇచ్చేదాని కంటే మరింత ఎక్కువ ఇస్తానని కాంగ్రెస్ పార్టీ ప్రజలకు మా య మాటలు చెప్పి గద్దెనెక్కిందన్నారు. కేంద్ర, రాష్ట్ర ప్ర భుత్వాలు కార్మికుల హక్కులు, చట్టాలను పట్టించుకోవడం లేదని ఆయన ఆరోపించారు. అనంతరం ఎంపీ అభ్యర్థి ప్రవీణ్కుమార్ మాట్లాడుతూ ఓట్ల కోసం ఆరు గ్యారెంటీల అమలు పేరుతో ప్రజలను నిండా ముంచిన కాంగ్రెస్ను వచ్చే పార్లమెంట్ ఎన్నికల్లో చావు దెబ్బ కొట్టాలని పిలుపునిచ్చారు. అధికారం కోసం ఎన్ని మో సపూరిత వాగ్దానాలు చేసే అలవాటు కాంగ్రెస్ నాయకులకు వెన్నతో పెట్టిన విద్య అన్నారు.
మహిళలకు బస్సు ల్లో ఉచిత ప్రయాణం, ప్రతి మహిళకు రూ.2500 నెల కు అందిస్తామని హామీ ఇచ్చి నేడు వాటి ప్రస్తావనే తే వడం లేదన్నారు. ఆటో డ్రైవర్లకు రూ.12 వేల ఆర్థిక సా యం ఇస్తానన్న హామీని అమలు చేయడం లేదన్నారు. రైతులకు రూ.2లక్షల రుణమాఫీ చేస్తామని, వరికి రూ. 500 బోనస్ ఇస్తామని, పెన్షన్లు రూ.4 వేలు పెంచుతామని, కల్యాణలక్ష్మి లక్షతోపాటు తులం బంగారం ఇస్తామన్న హామీలన్నీ అటకెక్కించారని ఆరోపించారు. కాం గ్రెస్, బీజేపీలకు కార్మిక, కర్షక లోకం సమస్యలు పట్టవని విమర్శించారని, కార్మికుల కోసం ప్రత్యేక హెల్త్ క్యాంపు లు నిర్వహించి, కార్మికుల ఆరోగ్యాన్ని కాపాడేలా కృషి చేస్తానని ఆయన హామీ ఇచ్చారు.
మాజీ మంత్రి నిరంజన్రెడ్డి నియోజకవర్గాన్ని అభివృద్ధి పథంలో నడిపారని, హరిత విప్లవం సాధించిన మరో స్వామినాథన్ అని ఎంపీ అభ్యర్థి ఆర్ఎస్ ప్రవీణ్కుమార్ కొనియాడారు. గతంలో ఉన్న పార్లమెంట్ సభ్యులు సమర్థతలేక కేంద్ర నిధులు ఉపయోగంలోకి తీసుకురాలేని దద్దమ్మలన్నారు. బీఆర్ఎస్ నుంచి త నను గెలిపిస్తే కేంద్రం నుంచి నిధులు తీసుకొచ్చి పార్లమెంట్ నియోజకవర్గాన్ని అభివృద్ధి చేస్తానని హామీ ఇ చ్చారు.
బుధవారం ఉదయం ఎకో పార్కులో మాజీ మంత్రి నిరంజన్రెడ్డితో కలిసి ఆర్ఎస్పీ వాకర్స్ను క లిశారు. అనంతరం వాకర్స్తో కలిసి వ్యాయామం చేసి షటిల్ ఆడారు. వారి వెంట ఎన్నికల ఇన్చార్జి బైకని శ్రీ నివాస్యాదవ్, బీఆర్ఎస్ జిల్లా అధ్యక్షుడు గట్టుయాదవ్, పార్లమెంట్ మీడియా ఇన్చార్జి అభిలాష్రావు, వి జయ్కుమార్, నాయకులు వాకిటి శ్రీధర్, లక్ష్మయ్య, అశోక్, తిరుమల్, గంధం బాలపీరు, పరంజ్యోతి, మా ణిక్యం, ధర్మ, మహేశ్వరరెడ్డి, కౌన్సిలర్ కంచెరవి, నాగన్నయాదవ్, కృష్ణ, మహేశ్, గిరి, జోహెబ్ పాల్గొన్నారు.