కొల్లాపూర్, జూన్ 5 : శ్రీశైలం తిరుగు జలాల్లో బెంగాల్ టెర్రర్గా పిలువబడే విదేశీ మొక్కలు దర్శనమిస్తున్నాయి. ఈ మొక్కలతో పర్యావరణానికి ముప్పు వా టిళ్లే ప్రమాదమున్నది. కొద్ది రోజులుగా కురుస్తున్న వర్షాలకు తుంగభద్రా నది నుంచి శ్రీశైలానికి వరద వస్తోంది. ఈ క్రమంలో భవిష్యత్తును ప్రమాదంలోకి నెట్టే దక్షిణ అమెరికాకు చెందిన పాంటెడెరియా క్రాసిప్స్ జాతి ఓషునే ఉపజాతి మొక్క సాధారణ వాటర్ హైసింత్, బెంగాల్ టెర్రర్గా పిలువబడే మొక్కలు వరదలో కొట్టుకొస్తున్నాయి. వీటితో చాలా సమస్యలు ఉంటాయని తె లిసినా సంబంధిత అధికారులు చర్యలు తీసుకోవడం లేదు. సామాన్య జనాలకు ఈ మొక్కలపై అవగాహన లేకపోవడమే ఇందుకు కారణమని చెప్పవచ్చు. నదీ జలాలను ఆక్రమిస్తున్న హైసింత్ మొక్కల పర్యావసనం గురించి
హైసింత్ జల మొక్కలు చూడడానికి అందంగా కనిపిస్తాయి. ప్రవహించే నీటిలో వేర్లకు మట్టి లేకుండా గుం పులుగా పూలతో ఉండి కనువిందు చేస్తాయి. కానీ వా టితో సమాజానికి హైరిస్క్ ఉన్నది. వరదలో కొట్టుకొచ్చిన హైసింత్ మొక్కలు నీటిలో తేలియాడుతూ అం దంగా కనిపిస్తాయి. ఈ విదేశీమొక్కలు నదీ ప్రవాహంతోపాటు చిన్న కాల్వలకు వెళ్లే నీటికి అడ్డుకట్ట వేస్తాయి. రాష్ట్రంలో అతి ముఖ్యమైన ప్రాజెక్టులు ఉన్న కొల్లాపూర్ కృష్ణానదీ తీరాన్ని హైసింత్ జల మొక్కలు ఆక్రమిస్తున్నాయి. రాష్ర్టానికి తాగునీరు అందించే మిషన్ భగీరథతో పాటు సాగునీరు అందిస్తున్న పీఆర్ఎల్ఐ, కేఎల్ఐ ప్రాజెక్టుల ఓపెన్ కెనాల్ వెంట కూడా ఈ మొక్కలు వెళ్తున్నాయి. భారీ సంఖ్యలో ఉన్న మొక్కలు మోటర్లకు నీళ్లు అందకుండా ఇబ్బంది కల్గించవచ్చు. ఈ మొక్కల మూలంగా ఏదైనా సమస్య ఎదురైతే తాగు, సాగునీటి సరఫరా నిలిచిపోయే ప్రమాదమున్నదని నిపుణులు భావిస్తున్నారు.
స్థానిక నామవాచకంలో ఎర్రకొంగలుగా పిలువబడే విదేశీ అతిథులైన గ్రేటర్ ఫ్లెమింగోలు కొల్లాపూర్ ప్రాం తంలోని కృష్ణానదీ తీరం వెంట కనువిందు చేస్తుంటా యి. అవి చేసే ఒంటికాలి జపాన్ని మనం ఇకపై చూడలేమనే సందేహం కలుగుతున్నది. హైసింత్ జల మొక్క లు నదీ తీరం వెంట ఆక్రమిస్తే ఫ్లెమింగోలకు చేపలను వేటాడేందుకు వీలు కాదు. ఇప్పటికే మంచాలకట్ట వద్ద హైటెన్షన్ లైన్లతో గ్రేటర్ ఫ్లెమింగోలు చనిపోతున్నాయి. ఇప్పుడు మళ్లీ హైసింత్ మొక్కల మూలంగా ఆకలితో అవి చనిపోయే ప్రమాదం ఉన్నది. చేపల ఉత్పత్తి కూడా తగ్గుతుందని నిపుణులు అభిప్రాయపడుతున్నారు. నదీ తీరం వెంట హైసింత్ మొక్కలు లేకుండా చర్యలు తీసుకోవాలని పర్యావరణ ప్రేమికులు డిమాండ్ చేస్తున్నారు.
శ్రీశైలం బ్యాక్ వాటర్లో ఉన్న హైసింత్ మొక్కలను తొలగించాలి. వీటితో ఫ్లెమింగోలకు ఆహార ఇబ్బందు లు తలెత్తుతున్నాయి. నీరు కూడా కాలుషితమవుతున్నది. ఈ మొక్కలతో పర్యావరణం దెబ్బతినే ప్రమాదం ఉన్నందున అధికారులు చర్యలు తీసుకోవాలి.
హైసింత్ మొక్కలు చనిపోయి నీటిలో కుళ్లిపోతే వాటి నుంచి సీవో2, మీథేన్, నైట్రోజన్ ఆక్సైడ్ విడుదలవుతాయి. కృష్ణానది నుంచే దక్షిణ తెలంగాణ రాష్ర్టానికి మిషన్ భగీరథ ద్వారా తాగునీరు సరఫరా అవుతున్నది. కలుషితమైన నీటిని ప్రజలు తాగితే రోగాల బారిన పడే అవకాశం ఉన్నది. హైసింత్ మొక్కలను తాగునీటికి అవసరమైన రా వాటర్లోకి వెళ్లకుండా ముందు జాగ్రత్తలు తీసుకోవడమే ఏకైక మార్గం.