పాలమూరు, జూలై 18 : ఆధునిక వ్యవసాయంతో అధిక ప్రయోజనాలు పొందవచ్చని మహబూబ్నగర్ రూరల్ మండలం కోడూరు కు చెందిన నర్సయ్యగౌడ్ నిరూపిస్తున్నారు. గ్రామంలో గురువారం 20 ఎకరాల్లో కూలీలు లేకుండా రైస్ ట్రాన్స్ప్లాంటర్తో తక్కువ సమయంలో వరినాట్లు వేశారు. కూలీల కొరత ఎక్కువ కావడంతో రూ.3లక్షల 50వేలకు మిషన్ను కొనుగోలు చేశాడు.
ఈ మిషన్ ద్వా రా గంటకు రెండెకరాలు చొప్పున వరినాటు వేసేందుకు అవకాశం ఉంటుందని తెలిపారు. అంతేకాకుండా కూలీలు వరి నాటే సమయంలో కర్రలు తక్కువగా నాటడం వల్ల మళ్లీ నాటే పరిస్థితి ఉం టుందని, దీని ద్వారా కూలీల ఖర్చులు తగ్గడంతోపాటు క్రిమిసంహారక మందుల అవసరం రాదన్నారు. కలుపుతీతకు ఇబ్బందులు లే కుండా తక్కువ ఖర్చుతో అధిక దిగుబడి సాధించేందుకు ఎంతగానో ఉపయోగపడుతుందని చెప్పారు.