గట్టు, జూలై 16 : పార్టీకి వెన్నంటి ఉన్నవారికే మొదటి ప్రాధాన్యం ఉంటుందని బీఆర్ఎస్ వర్కింగ్ ప్రెసిడెంట్ కల్వకుంట్ల తారక రామారావు స్పష్టం చేశారు. హైదరాబాద్లోని నందినగర్లోని ఆయన నివాసంలో మాజీ మంత్రి శ్రీనివాస్గౌడ్తోపాటు గద్వాల బీఆర్ఎస్ నాయకులతో మంగళవారం సమావేశమయ్యారు. ఈ సందర్భంగా కేటీఆర్ మాట్లాడుతూ పార్టీ నాయకులు, కార్యకర్తలు సమన్వయంతో మెలిగి గ్రామగ్రామాన తిరిగి ప్రతి కార్యకర్తను క లువాలన్నారు. పార్టీ పట్టు నిలుపడానికి కృషి చేయాలని పిలుపునిచ్చారు.
రాబోయే స్థానిక సంస్థల ఎన్నికల్లో సత్తాచాటి బీఆర్ఎస్ ఉనికిని మరోసారి చాటాలన్నారు. త్వరలో పార్టీ నాయకులు, కార్యకర్తలతో గద్వాలలో సమావేశం ఏ ర్పాటు చేయనున్నట్లు వెల్లడించారు. సమావేశంలో బీఆర్ఎస్ నియోజకవర్గ సమన్వయకర్త ఆంజనేయగౌడ్, బీఆర్ఎస్ సీనియర్ నాయకులు నాగర్దొడ్డి వెంకట్రాములు, అంగడి బస్వరాజు, కురుమ విజయ్కుమార్, మోనేశ్, తి రుమలేశ్, బాసు గోపాల్, మందా మల్లికార్జున్, మాల మ ల్లికార్జున్, నాగరాజు, వీరేశ్, అనిల్ తదితరులున్నారు.