గట్టు, మార్చి 30 : రైతుల పరిస్థితి కడుదయనీయంగా మారుతోంది. వర్షాభావ పరిస్థితుల కారణంగా భూగర్భ జలాలు అడుగంటాయి. బోర్లల్లో నీరు ఇంకిపోతున్నది. మరికొన్నింట్లో చుక్క నీళ్లు రావడం లేదు. దీంతో యాసంగిలో సాగు చేసిన పంటలను కాపాడుకునేందుకు రైతులు అష్టకష్టాలు పడుతున్నారు.
ఎల్లందొడ్డి శివారులో పుండుకూర నాగప్ప బోరు ఆధారంగా ఎకరా పొలంలో వరి సాగు చేశాడు. పంట కోసం రూ.15 వేలకుపైగా పెట్టుబడి పెట్టగా.. పంట వేసి రెండు నెలలు దాటింది. బోరులో నీళ్లు బంద్ అయ్యాయి. దీంతో చేసేది లేక పొలాన్ని ఎండబెట్టాడు. పశువులు మేయడానికి వదిలేశాడు.