తల్లి ఇన్కం ట్యాక్స్ శాఖలో, తండ్రి రెవెన్యూ శాఖలో ఉద్యోగం చేస్తున్నారు. తాతల కాలం నుంచి ఆ ఇంట్లో ఉద్యోగాల పరంపర కొనసాగుతూ వస్తున్నది. తల్లిదండ్రులు ప్రభుత్వ ఉద్యోగస్తులు కావడంతో వారినే ఆదర్శంగా తీసుకున్న ఆదర్శ్ సురభి కష్టపడి చదివి కలెక్టర్గా ఎంపికయ్యాడు. ఖమ్మం మున్సిపల్ కమిషనర్గా బాధ్యతలు నిర్వర్తించి వనపర్తికి కలెక్టర్గా వచ్చిన ఆదర్శ్ సురభిని ‘నమస్తే తెలంగాణ’ పలకరించింది.
కలెక్టర్ : మా అమ్మ, నాన్నలే నాకు అదర్శం. అమ్మ నర్సమ్మ ఇన్కం ట్యాక్స్ శాఖలో చీఫ్ కమిషనర్గా మే 13న రిటైర్డ్ అయ్యారు. అలాగే నాన్న సురభి సత్తయ్య కామారెడ్డి జాయింట్ కలెక్టర్గా 2018లో ఉద్యోగ విరమణ పొందారు. నాకు ఒక తమ్ముడు అభిలాష్ సురభి, రేడియాలజిస్ట్లో ఎండీ చేస్తున్నారు. నేను కలెక్టర్ కావడానికి మా అమ్మ, నాన్నలే మార్గదర్శకం.
నా విద్యాభ్యాసం ఎక్కువగా ఢిల్లీలోనే. 5వ తరగతి నుంచి ఇంటర్ వరకు ఢిల్లీలోనే చదివా. ఐఐటీ కూడా అక్కడే చేశాను. అమ్మ ఉద్యోగ రీత్యా ఢిల్లీలోనే ఉండడంతో అక్కడే నా చదువు సాగింది. ఐఏఎస్ కోచింగ్ కూడా అక్కడే తీసుకున్నా. కానీ.. ఫస్ట్ టైం రాలేదు. రెండో ప్రయత్నంలో సాధించాను..
అమ్మది ప్రకాశం జిల్లా ఎర్రగొండపాలెం వద్దనున్న చెన్నూరు గ్రామం. నాన్నదేమో కరీంనగర్. నేను ఎక్కువగా ఢిల్లీలో ఉన్నప్పటికీ నా స్వస్థలం ఎక్కడని అడిగితే హైదరాబాద్ అనే చెబుతాను.
చాలా సంతోషంగా ఉంది. జిల్లా ప్రజలకు మంచి చేయాలన్న తపన ఉంది. అందుకు తగ్గట్టుగా ప్రణాళికలు రచిస్తా. అధికారులు, ఉద్యోగులను సమన్వయం చేసుకుంటూ ప్రభుత్వ యంత్రాంగం అప్రమత్తంగా ఉండేలా చూస్తాను.
విద్య, ఆరోగ్యంపై ప్రత్యేక దృష్టితో ముందుకెళ్తాం. ఇప్పుడే విద్యా సంవత్సరం ప్రారంభమైంది. ప్రభుత్వం కూడా అన్ని బడుల్లో మౌలిక సదుపాయాలు కల్పించి మెరుగైన విద్యను అందించేందుకు కృషి చేస్తున్నది. మెరుగైన విద్య వల్ల గట్టి పునాది ఏర్పడుతుంది. అలాగే వర్షాకాలం ప్రారంభమైనందున ముందస్తుగా వ్యాధులు ప్రబలకుండా వైద్య, ఆరోగ్యశాఖ పరంగా తగిన జాగ్రత్తలు తీసుకుంటాం. వీటితోపాటు ఇతర శాఖలపై సమీక్షలు నిర్వహించి త్వరలోనే జిల్లాపై ఓ అవగాహనకు వచ్చేస్తా. ప్రజా సమస్యలను ప్రామాణికంగా తీసుకుంటాం.
ప్రతి ప్రభుత్వ ఉద్యోగి బాధ్యతగా వ్యవహరించాలి. ప్రతి ఒక్కరూ తప్పనిసరిగా సమయపాలన పాటించాలి. విధుల్లో నిర్లక్ష్యం వహించొద్దు. ప్రజల సమస్యలను పరిష్కరించడానికి ప్రాధాన్యం ఇవ్వాలి. సర్కారు కార్యక్రమాలను పకడ్బందీగా అమలు చేయాల్సిన బాధ్యత ప్రతి ఉద్యోగిపై ఉంటుంది.
యువత ఓటమిని తట్టుకోగలగాలి. ఓటమిని స్ఫూర్తిగా తీసుకుంటేనే గెలుపు సాధ్యం. కార్యాలయ గుమాస్తా నుంచి కలెక్టర్ ఉద్యోగం వరకు ప్రణాళికతో ముందుకు సాగితే చాలా సు లభం. కేవలం 5 లేదా 6 గంటలపాటు క్రమపద్ధతిలో ప్రాక్టీస్ ఉంటే సరిపోతుంది. అనవసరమైన వాటికి దూ రంగా అవసరమై న వాటికి దగ్గర గా ఉంటే చా లు.. అనుకున్నది సులభంగా సాధించొచ్చు.