గద్వాల, జూన్ 22 : రైతాంగం కోసం తెలంగాణ తొలి సీఎం కేసీఆర్ చేసిన కృషి ఎనలేనిదని ఎమ్మెల్యే కృష్ణమోహన్రెడ్డి పేర్కొన్నారు. ఏరువాక పండుగను పురస్కరించుకొని జిల్లా కేంద్రంలోని 32వ వార్డులో తోరణం తెంపే కార్యక్రమానికి ఎమ్మెల్యే ముఖ్యఅతిథిగా హాజరయ్యారు. ఈ సందర్భంగా ఆయన మాట్లాడుతూ.. చింతలపేటలో తోరణం లాగే కార్యక్రమాన్ని ఆనవాయితీగా నిర్వహించడం సంతోషంగా ఉందన్నారు. రైతుల కోసం కేసీఆర్ ఎన్నో సంక్షేమ పథకాలను ప్రవేశపెట్టి చేయూతనిచ్చారన్నారు. ఏరువాక అంటే.. రైతుల పండుగ అన్నారు. వ్యవసాయం దం డగ అన్న వారికి పండుగలా చేసిన వ్యక్తి కేసీఆర్ అని కొనియాడారు. కార్యక్రమంలో నాయకులు వేణుగోపాల్, మురళి, రామాంజనేయులు, గోవిందు, సాయిశ్యాంరెడ్డి, సీతారాములు, నరహరి శ్రీనివాసులు, నాగిరెడ్డి, దౌలన్న, ధర్మానాయుడు పాల్గొన్నారు.
మన సంస్కృతిని కాపాడుకుందాం
మన గ్రామీణ సంస్కృతీ సంప్రదాయాలను కాపాడుకోవాల్సిన బాధ్యత ప్రతిఒక్కరిపై ఉన్నదని ఎమ్మె ల్యే బండ్ల పేర్కొన్నారు. కర్ణాటకలోని రాయిచూర్లో ఏరువాక పౌర్ణమి సందర్భంగా పట్టణ మున్నూరుకా పు సంఘం ఆధ్వర్యంలో శనివారం నిర్వహించిన ముంగారు సాంస్కృతిక కార్యక్రమాలకు ఎమ్మెల్యే ముఖ్య అతిథిగా హాజరయ్యారు. ఈ సందర్భంగా కా డెద్దులకు అక్కడి ప్రజాప్రతినిధులతో కలిసి పూజలు చేసిన అనంతరం బండలాగుడు పోటీలను ప్రారంభించారు. కార్యక్రమంలో రాయిచూర్ మాజీ ఎమ్మె ల్యే పాపిరెడ్డి, జెడ్పీటీసీ రాజశేఖర్, వైస్ఎంపీపీ రామకృష్ణనాయుడు, నాయకులు గడ్డం కృష్ణారెడ్డి, వేణుగోపాల్, మురళి తదితరులు పాల్గొన్నారు.