మూసాపేట (అడ్డాకుల), మే 14 : బీరు అడిగిన యువకుడిపై వైన్స్ షాపు నిర్వాహకులు దాడి చేయడంతో యువకుడు మృతి చెందాడు. స్థానికులు, బాధితుల కథనం మేరకు.. అడ్డాకుల మండలంలోని బలీద్పల్లి గ్రామానికి చెందిన ముష్టి శ్రీ కాంత్ (26) గత నెల 26వ తేదీన మహబూబ్నగర్ జిల్లా కేంద్రం శివారులోని బండమీదిపల్లిలో ఉన్న సాయి మల్లికార్జున వైన్స్ వద్దకు వెళ్లి బీర్లు కావాలని అడిగాడు. వైన్స్లో పనిచేసే వారు బీర్లు ఇవ్వకుండా మాట్లాడుకుంటున్నారు. దీంతో బీర్లు త్వరగా ఇవ్వాలని శ్రీకాంత్ అడిగినందుకుగానూ నిర్వాహకుల దురుసుతనంతో మాటామాటా పెరిగింది. వైన్స్ షాప్ కౌంటర్పై ఉన్న వ్యక్తి మరో పది మందితో కలిసి శ్రీకాంత్ను దుకాణంలోకి లాక్కెళ్లి పిడిగుద్దులతో విచక్షణారహితంగా దాడి చే శారు. దీంతో తీవ్రంగా గాయపడిన శ్రీకాంత్ను బంధువులు, స్నేహితులు వచ్చి స్వగ్రామానికి తీసుకెళ్లారు.
కడుపులో నొప్పి రావడంతో శ్రీకాంత్ను కొత్తకోటలోని ప్రైవేట్ దవాఖానకు తరలించారు. గొడవ విషయంపై అదేరోజు మహబూబ్నగర్ రూరల్ పోలీస్స్టేషన్లో ఫిర్యాదు చేసినా పోలీసులు పట్టించుకోలేదని కుటుంబసభ్యులు ఆగ్రహం వ్యక్తం చేశారు. అయితే, శ్రీ కాంత్ పరిస్థితి విషమంగా ఉండడంతో వైద్యుల సూచన మే రకు మహబూబ్నగర్లోని ఎస్వీఎస్కు తీసుకొచ్చారు. కా లేయం, కిడ్నీలు పూర్తిగా దెబ్బతిన్నాయని అక్కడి వైద్యులు చె ప్పడంతో బాధిత కుటుంబసభ్యులు హైదరాబాద్లోని ప్రైవేట్ దవాఖానకు తీసుకెళ్లారు. ఈ క్రమంలో శ్రీకాంత్ చికిత్స పొందుతూ సోమవారం మృ తి చెందాడు. ఇంత జరిగినా దాడికి పాల్పడిన వారిపై పోలీసు లు కేసు నమోదు చేయలేదని కుటుంబసభ్యులు ఆగ్రహం వ్య క్తం చేస్తూ మంగళవారం జిల్లా దవాఖాన ఎదుట రోడ్డుపై మృ తదేహంతో ఆందోళన చేపట్టారు. మహబూబ్నగర్ రూరల్ సీఐ గాంధీ నాయక్ అక్కడికి చేరుకొని కుటుంబసభ్యులతో మాట్లాడారు. దాడి చేసిన ప్రతి ఒక్కరిపై కేసు నమోదు చేసి రి మాండ్కు తరలిస్తామని చెప్పడంతో ఆందోళన విరమించారు.