వనపర్తి, జూన్ 25 (నమస్తే తెలంగాణ) : రైతుబంధుపై మంత్రివర్గ సబ్కమిటీ వేసిన కాంగ్రెస్ ప్రభుత్వం రైతుల నుంచి కూడా అభిప్రాయాలు సేకరించాలని నిర్ణయించింది. ఈ మేర కు మంగళవారం జరిగిన రైతునేస్తంలో రైతుల అభిప్రాయాలు కూడా తీసుకోవాలని భావించిం ది. అయితే జిల్లాలోని రెండు రైతు వేదికల్లో మా త్రమే ఈ సమావేశాలు జరగగా ఇందులో రైతులకు లైవ్లో మాట్లాడే అవకాశమే రాలేదు. వనపర్తి మండలం నాగవరంలో జరిగిన సమావేశం లో డీఏవో సుధాకర్రెడ్డి, ఏవో కురుమయ్యతోపాటు ఏఈవోలు పాల్గొన్నారు.
రైతునేస్తం సమావేశానికి వచ్చిన రైతులంతా అధికంగా పీఎం కిసాన్ సమస్యలనే ఏకరువు పె ట్టారు. లైవ్లో రాష్ట్ర వ్యవసాయశాఖ మంత్రి తు మ్మల నాగేశ్వరావు, ప్రణాళికా సంఘం రాష్ట్ర ఉ పాధ్యక్షుడు చిన్నారెడ్డి ప్రసంగాల వరకు కూర్చు న్న రైతులు పీఎం కిసాన్ డబ్బులు పడడం లేదని మొరపెట్టుకున్నారు. వారు తెచ్చిన పట్టా సర్టిఫికెట్లు, ఆధార్ కార్డుల జిరాక్స్లతో ఏఈవోలు, ఏవోల ముందుకు చేరి తమ ఆవేదనను వ్యక్తం చేశారు. సమావేశానికి వచ్చిన వారిలో ఎక్కువ మంది ఇదే సమస్యతో వచ్చారు. ఇదిలా ఉంటే.. రైతుబంధుపై అభిప్రాయాలను దరఖాస్తుల రూపంలోనూ తీసుకుంటామని ప్రభుత్వం చెబుతున్నది. అయినా చాలా మంది రైతులు దానిపై దృష్టి పెట్టడం లేదు.
జిల్లాలో 71 రైతు వేదికలు ఉండగా వీటిలో ఇప్పటి వరకు కొన్నింటిలో మాత్రమే లైవ్ కా ర్యక్రమాలు చూసుకొనే అవకాశం ఉన్నది. మి గతా చోట్ల ఇప్పటి వరకు టీవీలు రాకపోవడం తో లైవ్ కార్యక్రమాలకు ఆ ప్రాంత రైతులు దూరమవుతున్నారు. ఇప్పటి వరకు కేవలం 11 రైతు వేదికలకు మాత్రమే టీవీలు, ఇతర సామగ్రి వచ్చింది. వీటిలోనూ రెండుచోట్ల మాత్రమే సిద్ధం చేయడంతో అక్కడ మాత్రమే సమావేశాలు జరిగాయి. మిగిలిన చోట్ల ఆ వచ్చిన టీవీలను అమర్చకపోవడంతో ఎక్కడా సమావేశాలకు అవకాశం లేకుండా పోయింది.