కడుపు మండుతుంది
తెలంగాణ అభిమానం నిలబడనిస్తలేదు
నక్క సిగ్గుపడే ‘నారా’కు ఘన స్వాగతాలు
అరాచకాన్ని అడ్డుకుంటే అరదండాలు
మేధావుల తలలు తాబేలు డిప్పలో
జయశంకర్ సార్ అన్నది నిజమైంది
ప్రాంత సోయి లేని వారంతా
రొమ్ము విరుచుకుని తిరుగుతున్నరు
తెలంగాణ వీరులు అమర్యాదతో
అలమటిస్తూ మూగగా రోదిస్తున్నరు
పదేళ్ల స్వరాష్ట్రంలో చూసిన స్వర్గం
కలలాగా టక్కున మాయమైంది
పొలాలు ఎండినై గుండెలు మండుతున్నై
పదవులు పొందిన మాజీలు పదవులకై
పరువు పొయ్యేట్టు పరుగు తీస్తుంటే
నమ్మి ఓట్లేసిన జనం చేష్టలుడిగి చూస్తుంటే
పెరుగుట విరుగుట కొరకే
ఎక్కువైన ఏదైనా మురిగిపోక తప్పదు
కాలం ఒకటున్నది లెక్క చూడక ఉండదు
– భోజన్నగారి అనసూయ