సత్తుపల్లి, జనవరి 8: దేశంలో ఏ రాష్ట్రంలోనూ లేని విధంగా సంక్షేమ పథకాలను అమలుచేస్తూ తెలంగాణను ఆదర్శంగా తీర్చిదిద్దిన ఘనత సీఎం కేసీఆర్కే దక్కిందని సత్తుపల్లి ఎమ్మెల్యే సండ్ర వెంకటవీరయ్య పేర్కొన్నారు. బీఆర్ఎస్ ప్రభుత్వంలో తెలంగాణ రాష్ట్రం సంక్షేమానికి చిరునామాగా నిలిచిందని అన్నారు.
సత్తుపల్లి మండలం, పట్టణంలోని 38 మంది లబ్ధిదారులకు మంజూరైన కల్యాణలక్ష్మి, షాదీముబారక్ చెక్కులు, తాను స్వయంగా సమకూర్చిన చీరె సారెలను స్థానిక క్యాంపు కార్యాలయంలో ఆదివారం లబ్ధిదారులకు ఆయన పంపిణీ చేసి మాట్లాడారు. బీజేపీ పాలిత రాష్ట్రాల్లో సంక్షేమ పథకాలు లేక అక్కడి ప్రజలు ఇబ్బందులు పడుతున్నారని అన్నారు. పనిచేసే ముఖ్యమంత్రిని ప్రజలందరూ ఆశీర్వదించాలని కోరారు. కూసంపూడి మహేశ్, దొడ్డా హైమావతి, తోట సుజలారాణి, శీలపురెడ్డి హరికృష్ణారెడ్డి, కూసంపూడి రామారావు, షేక్ రఫీ, చల్లగుళ్ల కృష్ణయ్య, గ్రాండ్ మౌలాలి, తుమ్మూరు దామోదరరెడ్డి, దొడ్డా శంకర్రావు, ఒగ్గు శ్రీనివాసరెడ్డి, గఫార్, పాలకుర్తి రాజు, తుంబూరు కృష్ణారెడ్డి, అద్దంకి అనిల్ పాల్గొన్నారు.