రామవరం/మణుగూరు టౌన్, జూలై 18 : రాష్ట్రంలో సిరులు కురిపించే బొగ్గు గనులను సింగరేణి సంస్థకే కేటాయించాలని టీబీజీకేఎస్ రాష్ట్ర ప్రధాన కార్యదర్శి కాపు కృష్ణ డిమాండ్ చేశారు. గురువారం హైదరాబాద్లో రాజ్భవన్ ముట్టడి కార్యక్రమంలో భద్రాద్రి జిల్లాకు చెందిన టీబీజీకేఎస్ నాయకులు, ఇతర కార్మిక సంఘాల నాయకులు పాల్గొని మాట్లాడారు. కేంద్ర, రాష్ట్ర ప్రభుత్వాల సంయుక్త ఆధ్వర్యంలో చేపట్టిన సింగరేణి బొగ్గు గనుల వేలం ప్రక్రియను వెంటనే నిలిపివేయాలని, వాటిని సింగరేణికే కేటాయించే విధంగా ప్రత్యేక చట్టం తేవాలని కోరారు.
అనంతరం టీబీజీకేఎస్ రాష్ట్ర అధ్యక్షుడు మిర్యాల రాజిరెడ్డి, కాపు కృష్ణ, రాంబాబు యాదవ్ల సారథ్యంలో ఇతర కార్మిక సంఘాలను కలుపుకొని హైదరాబాద్లో రాజ్భవన్ను ముట్టడించారు. ప్రభుత్వ విధానాలకు వ్యతిరేకంగా పెద్ద ఎత్తున నినాదాలు చేస్తూ రాజ్భవన్ వైపు వెళ్లగా పోలీసులు అడ్డుకొని అరెస్టు చేశారు. టీబీజీకేఎస్ రాష్ట్ర ప్రధాన కార్యదర్శి కాపు కృష్ణ, టీఆర్కేవీ అధ్యక్షుడు రాంబాబు యాదవ్, గడప రాజయ్య, తుమ్మ శ్రీనివాస్, కిరణ్, నాగెలిల, బంగారి పవన్, జాఫర్, హుస్సేన్, బడితల సమ్మయ్య, అవినాశ్, నరేశ్, నేత కిరణ్తోపాటు కార్మిక సంఘాల నాయకులు అరెస్టు అయిన వారిలో ఉన్నారు.