మామిళ్లగూడెం, జూలై 25: రోడ్డు ప్రమాదాల నియంత్రణకు క్షేత్రస్థాయిలో దృష్టి పెట్టాలని పోలీస్ కమిషనర్ సునీల్దత్ తెలిపారు. ఇటీవల రాత్రివేళల్లో పెరుగుతున్న రోడ్డు ప్రమాదాలను దృష్టిలో పెట్టుకొని అడిషనల్ డీసీపీ లా అండ్ ఆర్డర్ ప్రసాద్రావు పర్యవేక్షణలో బుధవారం రాత్రి పోలీసులు ముమ్మరంగా డ్రంకన్ అండ్ డ్రైవ్ తనిఖీలు చేపట్టారు. కమిషనరేట్ వ్యాప్తంగా ఎకడికకడ పోలీసులు మోహరించి లారీ డ్రైవర్లు, బస్, కారు డ్రైవర్లకు డ్రంక్ అండ్ డ్రైవ్ టెస్టులు నిర్వహించారు. ఈ తనిఖీల్లో మందుబాబులు కార్లు, ద్విచక్ర వాహనం నడుపుతూ పట్టుబడిన 55 మందిపై కేసులు నమోదు చేశారు.
కొద్ది రోజులుగా విద్యార్థులు, మైనర్లు బైకులు, కార్లు నడుపుతూ వరుసగా ప్రమాదాల బారిన పడుతున్నారని తెలిపారు. ఈ అంశాన్ని తీవ్రంగా పరిగణించిన పోలీసులు ప్రతిరోజూ వాహనాల తనిఖీలు చేస్తూ.. ర్యాష్, మైనర్ డ్రైవర్లను పట్టుకుంటున్నట్లు పేర్కొన్నారు. ఇక నుంచి డ్రైవింగ్ చేస్తున్న మైనర్ల వాహనాలు సీజ్ చేసి, వారితో పాటు వారి తల్లిదండ్రులకు శిక్షార్హులు అవుతాయరన్నారు. మైనర్ డ్రైవింగ్, రోడ్డు, ట్రాఫిక్ నిబంధనలు గురించి అన్ని పాఠశాలల్లో విద్యార్థులకు రోడ్ సేఫ్టీ ఎడ్యుకేషన్లో అవగాహన కల్పిస్తున్నామని తెలిపారు. చట్టవ్యతిరేక కార్యకలాపాలకు అడ్డుకట్ట వేసేందుకు విజబుల్ పోలీసింగ్ మరింత పకడ్బందీగా అమలు చేయాలని ఈ సందర్భంగా పోలీస్ అధికారులను ఆదేశించారు.