రఘునాథపాలెం, జూలై 13 : ఖమ్మం నగరంలో ప్రముఖ జ్యువెల్లరీ సంస్థ జోస్ ఆలుక్కాస్ నూతన షోరూంను ప్రారంభించింది. నగరంలోని వైరా రోడ్డులో ఏర్పాటు చేసిన షోరూంను రాష్ట్ర వ్యవసాయ శాఖ మంత్రి తుమ్మల నాగేశ్వరరావు, సినీ నటి సంయుక్త మేనన్లు ముఖ్యఅతిథులుగా పాల్గొని శనివారం ప్రారంభించారు. షోరూం ప్రారంభోత్సవం సందర్భంగా యాజమాన్యం వినియోగదారుల కోసం ప్రత్యేక ఆఫర్ను ప్రకటించింది. ఆఫర్ సందర్భంగా వజ్రాలు, ఆభరణాలు కొనుగోలు చేసిన వినియోగదారులకు ప్రోత్సాహక బహుమతులను నిర్వాహకులు అందజేశారు. ఆఫర్ ఈ నెల 19వ తేదీ వరకు ఉంటుందని మేనేజింగ్ డైరెక్టర్లు ఫర్ఘీస్ ఆలుక్కా, పాల్ జె ఆలుక్కా, జోస్ ఆలుక్కాలు తెలియజేశారు. జోస్ ఆలుక్కాస్ షోరూంను ఖమ్మం నగరంలో ఏర్పాటు చేయడం పట్ల మంత్రి తుమ్మల సంతోషం వ్యక్తం చేశారు. ఈ సందర్భంగా షోరూం మేనేజింగ్ డైరెక్టర్లను అభినందించారు.