ఖమ్మం, జూలై 17 (నమస్తే తెలంగాణ ప్రతినిధి): దేవరపల్లి గ్రీన్ఫీల్డ్ హైవేపై ఖమ్మం ధంసలాపురం వద్ద ఏర్పాటుచేయాల్సిన ఎంట్రీ, ఎగ్జిట్ పాయింట్లపై రాష్ట్ర వ్యవసాయ శాఖ మంత్రి తుమ్మల నాగేశ్వరరావు బుధవారం హైదరాబాద్లో సమీక్షించారు. రెండు డిజైన్లను సమర్పించిన అధికారులతో ఆయన మాట్లాడారు. రైతులు నష్టపోకుండా తక్కువ భూసేకరణ జరిగేలా చూడాలని ఆదేశించారు. ఆ మేరకు డిజైన్ ఆమోదించాలని నేషనల్ హైవేస్ అధికారులను మంత్రి కోరారు.
ధంసలాపురం వద్ద ఎంట్రీ, ఎగ్జిట్లను త్వరితగతిన ఆమోదించి పనులను పూర్తి చేయాలన్నారు. అంతేగాక ముదిగొండ నుంచి వెంకటగిరి మధ్య బ్లాక్ స్పాట్ ఉన్నందున ఫోర్ లైన్ల రహదారిగా విస్తరించి స్టేట్ హైవేకు అప్పగించాలని నేషనల్ హైవేస్ ఆథారిటీ ఆఫ్ ఇండియా రీజినల్ ఆఫీసర్ రంజాన్కు మంత్రి తుమ్మల లేఖ రాశారు