ఖమ్మం ఎడ్యుకేషన్, జూలై 17: డీఎస్సీ 2024 పరీక్షలను ఈ నెల 18 నుంచి ఆగస్టు 5 వరకు నిర్వహిస్తున్నట్లు ఖమ్మం డీఈవో సోమశేఖరశర్మ బుధవారం తెలిపారు. ఆన్లైన్ విధానంలో రెండు షిప్టుల్లో పరీక్షలు నిర్వహించనున్నట్లు వివరించారు. ఉదయం 9 నుంచి మధ్యాహ్నం 11:30 గంటల వరకు, మధ్యాహ్నం 2 నుంచి సాయంత్రం 4:30 గంటల వరకు పరీక్ష జరుగుతుందన్నారు.
ఉపాధ్యాయ ఎంపిక పరీక్ష తొలిసారిగా ఆన్లైన్ విధానంలో జరుగుతుందని, జిల్లాలో 6 కేంద్రాల్లో 13 రోజులపాటు పరీక్షలు జరుగుతాయని అన్నారు. మొత్తంగా 25,204 మంది అభ్యర్థులు పరీక్షలకు హాజరుకానున్నారు. 137 మంది దివ్యాంగ అభ్యర్థులు సహాయకులు కావాలని దరఖాస్తు చేసుకున్నారు. సందేహాల నివృత్తి కోసం అభ్యర్థులు 9951212603కు ఫోన్ చేయాలని సూచించారు.