మామిళ్లగూడెం, జూన్ 8 : జిల్లాలో రైతులకు నాణ్యమైన విత్తనాలు అందించడమే లక్ష్యంగా ప్రత్యేక టాస్ఫోర్స్ బృందాలు సమష్టిగా పనిచేయాలని లా అండ్ ఆర్డర్ అడిషనల్ డీసీపీ ప్రసాద రావు అన్నారు. పోలీస్ కమిషనర్ సునీల్దత్ ఆదేశాల మేరకు శనివారం వ్యవసాయ అధికారులు, పోలీస్ అధికారులతో వీడియో కాన్ఫరెన్స్లో మాట్లాడారు. నకిలీ, నాణ్యత లేని విత్తనాలు కొనుగోలు చేస్తే ఆర్థికంగా రైతులు నష్టపోయే ప్రమాదం ఉందన్నారు. వ్యవసాయ అధికారులు విత్తనాలు, ఎరువులు రైతులకు అందుబాటులో ఉండేలా అన్ని చర్యలు తీసుకుంటున్నారని, కృత్రిమ కొరత సృష్టించి అధిక ధరలకు విక్రయించినా కఠినచర్యలు తీసుకోవాలని ఆదేశించారు.
జిల్లాలో ఎకడ కూడా విత్తనాల కొరత లేదనే విషయాన్ని రైతులకు భరోసా కల్పిస్తూ రైతులకు నాణ్యమైన విత్తనాలు విక్రయించేలా పకడ్బందీ చర్యలు తీసుకోవాలని సూచించారు. కొంతమంది దళారులు ముఠాలుగా ఏర్పడి తకువ డబ్బుకు విత్తనాలు ఇస్తామని ఆశ చూపి రైతులను మోసం చేస్తారని, ఇటువంటి వారిపై గ్రామాల్లో సైతం నిఘా పెట్టామని తెలిపారు. ఎవరైనా ప్రముఖ బ్రాండెడ్ కంపెనీల విత్తనాల పేరుతో నాసిరకం, నకిలీ విత్తనాలు అంటగట్టి రైతులను మోసం చేయాలని చూస్తే ఉపేక్షించేది లేదన్నారు. జిల్లాలో ఏడు చెక్పోస్ట్లు ఏర్పాటు చేసి తనిఖీలు ముమ్మరం చేశామని తెలిపారు. రైతులు విత్తనాల కొనుగోలు రశీదు తీసుకోవాలని సూచించారు. మారెట్లో టాస్ఫోర్స్ బృందాల నిరంతర పర్యవేక్షణ ఉండాలని పేరొన్నారు. సమావేశంలో జిల్లా వ్యవసాయ అధికారి విజయనిర్మల, ఏడీఏలు శ్రీనివాస్, నరసింహారావు, విజయచందర్, కరుణశ్రీ, శ్రీనివాస్రెడ్డి, ఏవో కిషోర్, సీఐ స్వామి తదితరులు పాల్గొన్నారు.