‘ఓం సాయి శ్రీ సాయి జయ జయ సాయి..’ అనే సంకీర్తనలతో ఉమ్మడి జిల్లాలోని సాయి మందిరాలు మార్మోగాయి. గురుపౌర్ణమి సందర్భంగా బాబా మందిరాలన్నీ ఆదివారం భక్తులతో కిక్కిరిశాయి. ఆయా ఆలయాల వద్ద సాయినాథుడికి ప్రత్యేక పూజలు, అభిషేకాలు నిర్వహించారు.
పలు మందిరాల్లో ఆలయాల్లో బాబా ప్రత్యేక అలంకరణతో భక్తులకు దర్శనమిచ్చారు. ప్రముఖ ఆలయాల్లో సాయిబాబాకు పంచామృతాలతో అభిషేకం చేశారు. ఉమ్మడి జిల్లా వ్యాప్తంగా కొలువుదీరిన సాయి మందిరాల్లో జరిగిన ప్రత్యేక పూజల్లో సాయి భక్తులు అధిక సంఖ్యలో పాల్గొన్నారు. అనంతరం ఆలయ కమిటీలు భక్తులకు అన్నదానం చేశారు.
-నమస్తే తెలంగాణ నెట్వర్క్