భద్రాద్రి కొత్తగూడెం : జిల్లాలోని జూలూరుపాడు మండలం మొద్దులగూడెం గ్రామానికి చెందిన దొడ్డ మానస (Dodda Manasa) అనే నిండు గర్భిణి (Pregnant) 108 అంబులెన్స్(Ambulance) లో ప్రసవించింది. ఆమెకు అర్ధరాత్రి పురిటినొప్పులు రావడంతో విషయం తెలుసుకున్న ఆశ వర్కర్(Asha worker) విజయ 108కు ఫోన్ చేయడంతో ఆమె జూలూరుపాడు 108 సిబ్బందికి సమాచారం అందజేసింది.
హుటాహుటినా 108 సిబ్బంది గ్రామానికి వెళ్లి ఆమెను కొత్తగూడెం(రామవరం) మత శిశువు హాస్పిటల్ తరలిస్తుండగా మార్గ మధ్యలో మానసకు నొప్పులు ఎక్కువయ్యాయి. ఆమె వెంట ఉన్న ఆశ వర్కర్ విజయకు ఈఎంటీ రవి సహాయం చేయడంతో ఆమె మగ బిడ్డకు జన్మనిచ్చింది, తల్లి బిడ్డలు ఇద్దరు క్షేమంగా ఉన్నారని ఆశ వర్కర్ తెలిపారు. మానసకు సకాలంలో స్పందించి పురుడు పోసిన 108 సిబ్బంది ఈఎంటీ రవి, ఆశ వర్కర్ విజయ, పైలెట్ తడికమల్ల శ్రీనుకు మానస కుటుంబ సభ్యులు కృతజ్ఞతలు తెలిపారు.