మధిర, మే 21 : బ్లాక్ మెయిలర్, అవకాశవాది తీన్మార్ మల్లన్నను ఎమ్మెల్సీ ఎన్నికల్లో ఓడించి.. బీఆర్ఎస్ అభ్యర్థి ఏనుగుల రాకేశ్రెడ్డికి పట్టం కట్టాలని జడ్పీ చైర్మన్ లింగాల కమల్రాజు కోరారు. మంగళవారం నియోజకవర్గంలోని మధిర, బోనకల్లు, ముదిగొండ, చింతకాని మండలాల్లో నల్గొండ-ఖమ్మం-వరంగల్ పట్టభద్రుల ఎమ్మెల్సీ ఎన్నికల సన్నాహక సమావేశం నియోజకవర్గ సమన్వయకర్త బిచ్చాల తిరుమలరావు అధ్యక్షతన జరిగింది. ఈ సందర్భంగా కమల్రాజు మాట్లాడుతూ కాంగ్రెస్ పార్టీ అభ్యర్థి తీన్మార్ మల్లన్న పలు పార్టీల నాయకులు, అధికారులను బ్లాక్మెయిల్ చేసిన ఘనుడన్నారు. నిస్వార్థపరుడు, విద్యావంతుడైన ఏనుగుల రాకేశ్రెడ్డిని పట్టభద్రులు అత్యధిక మెజార్టీతో గెలిపించుకోవాలన్నారు.
మధిర నియోజకవర్గ సమన్వయకర్త బిచ్చాల తిరుమలరావు మాట్లాడుతూ ఈ నెల 24న బోనకల్లులోని ఎస్ఆర్ ఫంక్షన్ హాల్లో మధ్యాహ్నం 3 గంటలకు నియోజకవర్గ స్థాయి పట్టభద్రుల ఓటర్ల సమావేశం జరుగుతుందని, దీనికి మాజీ మంత్రులు తన్నీరు హరీశ్రావు, పువ్వాడ అజయ్కుమార్, ఎంపీ నామా నాగేశ్వరరావు, రాజ్యసభ సభ్యుడు వద్దిరాజు రవిచంద్ర, ఎమ్మెల్సీ తాతా మధుసూదన్రావు, జనగామ ఎమ్మెల్యే పల్లా రాజేశ్వర్రెడ్డి, మాజీ ఎమ్మెల్యే కొండబాల కోటేశ్వరరావుతోపాటు ముఖ్య నాయకులు హాజరవుతున్నారని తెలిపారు. సమావేశాన్ని విజయవంతం చేయాలని ఆయన కోరారు. సమావేశంలో మార్కెట్ మాజీ చైర్మన్లు చిత్తారు నాగేశ్వరరావు, బంధం శ్రీనివాసరావు, పార్టీ మండల అధ్యక్షులు చేబ్రోలు మల్లికార్జునరావు, రావూరి శ్రీనివాసరావు, వాచేపల్లి లక్ష్మారెడ్డి, కనుమూర వెంకటేశ్వరరావు, పంబి సాంబశివరావు, బొగ్గుల భాస్కర్రెడ్డి, మోదుగుల నాగేశ్వరరావు, కటికల సత్యనారాయణరెడ్డి, మాజీ సర్పంచ్లు పాల్గొన్నారు.