భద్రాద్రి కొత్తగూడెం, మే 28 (నమస్తే తెలంగాణ) : జూన్ 4న పార్లమెంట్ ఎన్నికల ఓట్ల లెక్కింపునకు పకడ్బందీ ఏర్పాట్లు చేయాలని రాష్ట్ర ఎన్నికల ప్రధాన అధికారి వికాస్రాజ్ అన్నారు. మంగళవారం రాష్ట్రస్థాయి ఉన్నతాధికారులతో కలిసి ఎన్నికల కౌంటింగ్ నిర్వహణ ఏర్పాట్లపై కలెక్టర్లు, అధికారులతో వీడియో కాన్ఫరెన్స్ ద్వారా సమీక్షించారు. ఈ సందర్భంగా ఆయన మాట్లాడుతూ ఓట్ల లెక్కింపునకు సర్వం సిద్ధం చేయాలని, కౌంటింగ్ సజావుగా జరిగేలా చూడాలన్నారు. కౌంటింగ్ కేంద్రం వద్ద పటిష్ట బందోబస్తు ఏర్పాటు చేసేలా చూడాలని, గుర్తింపు కార్డులు ఉన్న వారిని మాత్రమే కౌంటింగ్ కేంద్రాల్లోకి అనుమతించాలన్నారు. అనంతరం కలెక్టర్ ప్రియాంక ఆల మాట్లాడుతూ కౌంటింగ్ ముగిసిన తర్వాత అసెంబ్లీ సెగ్మెంట్లకు సంబంధించిన ఈవీఎంలను గోడౌన్కు పటిష్ట భద్రత మధ్య తరలించాలన్నారు. సమావేశంలో భద్రాచలం తహసీల్దార్ శ్రీనివాస్, ఎలక్షన్ డిప్యూటీ తహసీల్దార్ రంగప్రసాద్ పాల్గొన్నారు.