పాల్వంచ, జూన్ 18 : అంగన్వాడీ టీచర్లు, హెల్పర్లకు ప్రతీ నెల సకాలంలో వేతనాలు అందించేలా చర్యలు చేపట్టాలని కోరుతూ అంగన్వాడీ టీచర్స్ అండ్ హెల్పర్స్(ఏఐటీయూసీ అనుబంధ) నాయకులు పాల్వంచలో సీడీపీవో రేవతికి మంగళవారం వినతిపత్రం సమర్పించారు. ఈ సందర్భంగా సంఘం వర్కింగ్ ప్రెసిడెంట్ నరాటి ప్రసాద్ మాట్లాడుతూ అంగన్వాడీ టీచర్లు, హెల్పర్లకు గత కేసీఆర్ ప్రభుత్వం ప్రతీ నెల 14వ తేదీన వేతనాలు చెల్లించేదన్నారు. ప్రస్తుత కాంగ్రెస్ ప్రభు త్వం ఇంతవరకు వేతనాలు చెల్లించకపోవడంతో ఆర్థికంగా ఇబ్బందులు తలెత్తుతున్నాయన్నారు. రిటైర్మెంట్ బెనిఫిట్స్ రూ.2 లక్షలు టీచర్లకు, హెల్పర్లకు రూ. లక్ష ఇవ్వాలని డిమాండ్ చేశారు. పెండింగ్లో ఉన్న ఇంటి అద్దెలు, గ్యాస్ బిల్లులు, ఆరోగ్యలక్ష్మి బిల్లులు, టీఏ, డీఏలు, ఇన్సూరెన్స్ రూ.10 లక్షల చొప్పున ఇవ్వాలని ఆయన కోరారు. కార్యక్రమంలో పండుగ వెంకటరమణ, సోయం రాజ్యలక్ష్మి, ఉమాదేవి, పద్మ, లాలి భవాని తదితరులు పాల్గొన్నారు.