చర్ల, జూలై 17 : భద్రాద్రి కొత్తగూడెం జిల్లా చర్ల మండలంలోని తాలిపేరు ప్రాజెక్టుకు భారీగా వరద వచ్చి చేరుతున్నది. ఎగువ ప్రాంతమైన ఛత్తీస్గఢ్ అడవుల్లో కురుస్తున్న వర్షాల కారణంగా వరద వస్తున్నది. ప్రాజెక్టు పూర్తి సామర్థ్యం 74 మీటర్లుండగా బుధవారం 73.60 మీటర్లకు చేరుకుంది.
దీంతో అధికారులు ప్రాజెక్టుకు ఉన్న మొత్తం 25 గేట్లలో 5 గేట్లు పూర్తిగా, 20 గేట్లు రెండు అడుగుల మేర ఎత్తి 70.75 క్యూసెక్కుల నీటిని దిగువనున్న గోదావరిలోకి వదిలారు. వరద ఇంకా వచ్చే అవకాశం ఉందని, సిబ్బందిని అప్రమత్తం చేశామని అధికారులు తెలిపారు.