Road Accident | రోడ్డు ప్రమాదంలో యువకుడి మృతి.. మరొకరికి తీవ్ర గాయాలు

కోరుట్ల పట్టణ శివారులోని మాదాపూర్ కాలనీ సమీపంలో ఆర్టీసీ బస్సు బైక్ ఢీకొన్న ఘటనలో ఒకరు చెందిన సంఘటన శనివారం చోటు చేసుకుంది. కోరుట్ల మండలం మాదాపూర్ గ్రామానికి చెందిన దుంకెర్వర్ ప్రశాంత్ (19), గడ్డం నవీన్ ఇద్దరు కలిసి ద్విచక్ర వాహనంపై కోరుట్ల నుంచి మాదాపూర్ వెళ్తున్నారు.

Road Accident | కోరుట్ల, నవంబర్ 14 : కోరుట్ల పట్టణ శివారులోని మాదాపూర్ కాలనీ సమీపంలో ఆర్టీసీ బస్సు బైక్ ఢీకొన్న ఘటనలో ఒకరు చెందిన సంఘటన శనివారం చోటు చేసుకుంది. కోరుట్ల మండలం మాదాపూర్ గ్రామానికి చెందిన దుంకెర్వర్ ప్రశాంత్ (19), గడ్డం నవీన్ ఇద్దరు కలిసి ద్విచక్ర వాహనంపై కోరుట్ల నుంచి మాదాపూర్ వెళ్తున్నారు. ఈ క్రమంలో రాయికల్ నుంచి కోరుట్ల వైపు వస్తున్న ఆర్‌టీసీ బస్సు, ఎదురెదురుగా ఢీకొన్నాయి. ఈ ప్రమాదంలో బైక్ పై ఉన్న ప్రశాంత్ కు తలకు తీవ్రగాయాలు కాగా అక్కడికక్కడే మృతి చెందాడు.

నవీన్ కు తలకు తీవ్ర గాయాలయ్యాయి. గమనించిన స్థానికులు నవీన్ ను అంబులెన్స్ లో ప్రభుత్వ ఆసుపత్రికి తరలించారు. పరిస్థితి విషమించడంతో జగిత్యాలలో ని ప్రభుత్వ ఆస్పత్రికి వైద్యులు రిఫర్ చేశారు. కాగా రహదారి పక్కన ఎండు గడ్డికి నిప్పు పెట్టడంతో రహదారిపై పూర్తిగా పొగలు అలుముకోవడంతో ఎదురుగా వస్తున్న బస్సును గమనించకపోవడంతో ప్రమాదం జరిగినట్లు తెలుస్తుంది. మృతుడు ప్రశాంత్ హైదరాబాదులో హోటల్ మేనేజ్మెంట్ కోర్స్ చేస్తున్నాడు. ఇటీవల తండ్రి అశోక్ దుబాయ్ నుంచి రావడంతో ఇంట్లో జరిగే శుభకార్యానికి ప్రశాంత్ వచ్చాడు. ఇంతలోనే విధి వక్రీకరించడంతో రోడ్డు ప్రమాదంలో మృత్యువాత పడ్డాడు. మృతుడి బంధువుల ఫిర్యాదుతో కేసు నమోదు చేసుకున్న పోలీసులు దర్యాప్తు చేస్తున్నారు.