వేములవాడ రూరల్, జూలై 13 : ఆ ముగ్గురు యువకులు ఆన్లైన్ బెట్టింగ్లకు అలవాటు పడ్డారు. డబ్బుల కోసం ఏకంగా ట్రాక్టర్నే ఎత్తుకెళ్లి అడ్డంగా చిక్కా రు. ఆముగ్గురు యువకులతో పాటు ట్రాక్ట ర్ కొన్న వ్యక్తిని పోలీసులు అరెస్ట్ చేసి రి మాండ్కు తరలించారు. ఈ మేరకు వేములవాడ రూరల్ పోలీస్స్టేషన్లో శనివారం ఏర్పాటు చేసిన విలేకరుల సమావేశంలో సిరిసిల్ల ఎస్పీ అఖిల్ మహాజన్ వివరాలు వెల్లడించారు. బోయినపల్లి మండలం వర్ధవెల్లి గ్రామానికి చెందిన సాయి, వెంకటేశ్, వంశీ ముగ్గురు ఆన్లైన్ బెట్టింగ్కు అలవా టు పడ్డారు.
ఈ క్రమంలో డబ్బుల కోసం రాజన్నపేటకు చెందిన ఈడుగు కనుకయ్య తన పొలంలో దున్నడానికి పెట్టిన ట్రాక్టర్ను దొంగిలించి అమ్మాలని ముగ్గురు నిర్ణయించుకున్నారు. రాత్రి సమయంలో ట్రా క్టర్తోపాటు కల్టివేటర్ను దొంగిలించారు. దీంతో బాధితుడు కనుకయ్య ఈ నెల 2న బోయినపల్లి పోలీస్స్టేషన్లో ఫిర్యాదు చేశాడు. దర్యాప్తులో భాగంగా వేములవాడ ఏఎస్పీ శేషాద్రినిరెడ్డి ఆధ్వర్యంలో సీఐ శ్రీనివాస్, ఎస్ఐ వృథ్వీరార్గౌడ్, కానిస్టేబుళ్లు కోటేశ్వర్, తిరుపతితో టీం ఏర్పాటు చేశారు. నిందితులు ట్రాక్టర్ను రాజన్నపేట నుంచి నిర్మల్ జిల్లా లోకేశ్వ రం మండలంలోని మోడెం గ్రామానికి తరలించినట్టు సీసీ కెమెరాల ఆధారంగా గుర్తించారు.
అదే గ్రామానికి చెందిన గంజాయి పోశెట్టికి 4.50 లక్షలకు విక్రయించిన విషయాన్ని నిర్ధారించారు. ట్రాక్టర్తోపాటు కారు, ద్విచక్రవాహనం, 5 మొబైల్ఫోన్లను స్వాధీనం చేసుకొని, ముగ్గురు యువకులతోపాటు కొన్న వ్యక్తి ని అరెస్ట్ చేసి రిమాండ్కు తరలించారు. సైబర్ నేరాల విషయంలో ప్రజలు అప్రమత్తంగా ఉండాలని, బాధితులు టోల్ ఫ్రీ నెంబర్ 1930కు కాల్ చేయాలని సూ చించారు. ఆన్లైన్ బెట్టింగ్ నిషేధమని, ఎవరైనా పాల్పడితే కఠిన చర్యలు తీసుకుంటామని హెచ్చరించారు. దొంగతనం కేసును చేధించిన ఏఎస్పీ, సీఐ, ఎస్ఐ, కానిస్టేబుళ్లను ఎస్పీ అభినందించారు.