ఫర్టిలైజర్సిటీ, ఫిబ్రవరి 12: రామగుండం కమిషనరేట్ నూతన పోలీస్ కమిషనర్గా డాక్టర్ ఎం శ్రీనివాసులు నియమితులయ్యారు. తెలంగాణ రాష్ట్రవ్యాప్తంగా 12మంది ఐపీఎస్ అధికారులను బదిలీ చేస్తూ ప్రభుత్వ ప్రధాన కార్యదర్శి శాంతికుమారి సోమవారం రాత్రి ఉత్తర్వులు జారీ చేశారు.
కాగా, 2006 ఐపీఎస్ బ్యాచ్కు చెందిన శ్రీనివాసులు 2016-18 మధ్య కాలంలో ఆదిలాబాద్ ఎస్పీగా పనిచేశారు. అనంతరం డీఐజీగా పదోన్నతి పొంది, సీఐడీ విభాగంలో పనిచేశారు. కాగా, ఇక్కడ మొన్నటిదాకా పనిచేసిన రెమో రాజేశ్వరి ఇటీవలే బదిలీ అయిన విషయం తెలిసిందే. ఆమె స్థానంలోనే నూతన సీపీగా శ్రీనివాసులు వస్తున్నారు.