అధునాతన హంగులతో రాజన్న సిరిసిల్ల జిల్లా పోలీస్ కార్యాలయం సిద్ధమైంది. కలెక్టరేట్ వెనుక సుమారు 25 ఎకరాల్లో విశాలమైన స్థలంలో 39.50 కోట్లతో భవన సముదాయ నిర్మాణ పనులు చేపట్టగా, అందులో 19 కోట్లతో జీ ప్లస్ టూ విధానంలో రక్షకభట నిలయం రాజభవనంలా రూపుదిద్దుకున్నది. సకల వసతులతో పనులు తుది దశకు చేరుకోగా, త్వరలో అందుబాటులోకి రానున్నది.
సిరిసిల్ల రూరల్, జనవరి 16: రాజన్న సిరిసిల్ల జిల్లా నూతన పోలీస్ కార్యాలయం నిర్మాణ పనులు పూర్తయ్యాయి. ఆధునిక హంగులు, సకల వసతులతో రాజభవనంలా రూపుదిద్దుకుంటున్నది. 19 కోట్లతో చేపట్టిన ఈ భవనాన్ని జీ ప్లస్ 2 విధానంలో నిర్మించారు. కొత్త జిల్లాలలో ఇదే న మూనాలో పోలీస్ కార్యాలయాలను నిర్మించారు. రాజన్న సిరిసిల్ల జిల్లా పోలీస్ కార్యాలయం విశాలమైన స్థలంలో కలెక్టరేట్ వెనుక భాగంలో నిర్మాణం చేపట్టారు. ఇక్కడ జిల్లా పోలీస్ హెడ్ క్వార్టర్స్, పెరేడ్ గ్రౌండ్, రెసిడెన్సీ భవనాలు ఏర్పా టు చేయాల్సి ఉంది. ఇప్పటికే పలువురు ఉన్నతాధికారులు సందర్శించి, దిశానిర్దేశం చేయగా, త్వరలోనే అందుబాటులోకి తేనున్నారు. సీఎం కేసీఆర్ చేతుల మీదుగా ప్రారంభించే అవకాశం ఉన్నది.
పోలీస్ కార్యాలయం ఇలా..
జిల్లా పోలీస్ కార్యాలయాల సముదాయం కోసం సుమారు 25 ఎకరాల్లో 39.50కోట్లతో నిర్మాణం చేపట్టారు. అందులో 19కోట్లతో జిల్లా పోలీస్ కార్యాలయాన్ని జీప్లస్ టూ విధానంలో నిర్మించారు. గ్రౌండ్ ఫ్లోర్లో ఎస్పీ చాంబర్, రిసెప్షన్, పబ్లిక్ గ్రీవెన్స్ హాల్, వెయిటింగ్ హాల్, ఓఎస్డీ రూం, ఐటీ, సీ డిపార్ట్మెంట్, సీసీ టూ ఏఎస్పీ, ఏఎస్పీ క్యాబిన్, సీసీ టూ ఎస్పీ, గార్డ్ రూం, పీఆర్వో, కామన్ వెయిటింగ్ ఏరియా, సీసీ టూ ఏఎస్డీ, పాస్పోర్ట్ వెరిఫికేషన్ సెల్, ఇన్వార్డు, ఔట్ వార్డు, డీపీవో స్టోర్స్ ఉంటాయి.
త్వరలోనే అందుబాటులోకి
నూతన పోలీస్ కార్యాలయం త్వరలోనే అందుబాటులోకి వస్తుంది. నిర్మాణం దాదా పుగా పూర్తయింది. పోలీస్ హౌసింగ్ బోర్డు కార్పొరేషన్ ఆధ్వర్యంలో నిర్మాణం జరుగుతుంది. జిల్లా పోలీస్ కా ర్యాలయాల సముదాయం కోసం రూ.39.50 కోట్లతో నిర్మాణ పనులు చేపట్టాం. రూ.19కోట్లతో జిల్లా పోలీస్ కార్యాలయం నిర్మాణం చేశారు. అన్ని వసతులతో కూడిన జిల్లా పోలీస్ కార్యాలయ నిర్మాణం చేపట్టాం. త్వరలోనే ప్రారంభోత్సవం ఉంటుంది.
– రాహుల్ హెగ్డే, రాజన్న సిరిసిల్ల ఎస్పీ