పెద్దపల్లి, జూన్18: పెద్దపల్లి జిల్లాను అన్ని రంగాల్లో మరింత అభివృద్ధి చేస్తామని నూతన కలెక్టర్ కోయ శ్రీహర్ష పేర్కొన్నారు. ఖమ్మం జిల్లా కలెక్టర్గా బదిలీపై వెళ్తున్న ముజామ్మిల్ఖాన్కు ఆత్మీయ వీడోలు, జిల్లాకు కలెక్టర్గా వచ్చిన కోయ శ్రీహర్షకు స్వాగత కార్యక్రమాన్ని మంగళవారం సమీకృత జిల్లా కలెక్టరేట్ సమావేశ మందిరంలో జిల్లా అధికారులు నిర్వహించారు. ఈ సందర్భంగా కలెక్టర్ కోయ శ్రీహర్ష మాట్లాడుతూ, జిల్లాలో 11 నెలల కాలంలో ముజామ్మిల్ఖాన్ విశేష సేవలందించారని, ఖమ్మం జిల్లాలో సైతం మంచి సేవలు అందించాలని ఆకాంక్షించారు. భవిష్యత్లో అధికారులు, ప్రజాప్రతినిధుల సహకారంతో పెద్దపల్లి జిల్లాను మరింత అభివృద్ధి సాధించే దిశగా కృషి చేస్తామని తెలిపారు.
బదిలీపై ఖమ్మం కలెక్టర్గా వెళ్తున్న ముజామ్మిల్ఖాన్ మాట్లాడుతూ, పెద్దపల్లి జిల్లా సమగ్రాభివృద్ధికి ప్రణాళికాబద్ధంగా చర్యలు తీసుకున్నామని తెలిపారు. కలెక్టరేట్లో పనిచేసే ఉద్యోగులందరికీ ప్రత్యేక హెల్త్ క్యాంపు ద్వారా వైద్య పరీక్షలు నిర్వహించామని తెలిపారు. 11నెలల కాలం చాలా మంచిగా గడిచిందని, ప్రభుత్వ లక్ష్యాలను పూర్తి చేయడంలో అధికారు లు, సిబ్బంది పూర్తి స్థాయిలో సహకరించారని తెలిపారు. వి ద్యా వ్యవస్థలో మంచి మార్పులు తీసుకొని వచ్చే దిశగా ‘లం చ్ అండ్ లెర్న్’, సమ్మర్ క్యాంప్ నిర్వహణ, రీడింగ్ రూమ్ల ఏర్పాటు వంటి వినూత్న కార్యక్రమాలు చేపట్టడం సంతోషాన్ని ఇచ్చాయన్నారు. అనంతరం కలెక్టర్ ముజామ్మిల్ఖాన్ను అధికారులు సన్మానించారు. కార్యక్రమంలో స్థానిక సం స్థల అదనపు కలెక్టర్ జే అరుణశ్రీ, పెద్దపల్లి, మంథని ఆర్డీవో లు గంగయ్య, హనుమానాయక్, అధికారులు పాల్గొన్నారు.