కోరుట్ల, జూలై 26: కోరుట్ల మద్దుల చెరువు మినీ ట్యాంక్బండ్ కళ తప్పింది. పట్టణ ప్రజలకు ఆహ్లాదాన్ని పంచేందుకు నిర్మించినా.. ఇప్పుడు నిర్వహణలోపంతో అధ్వానంగా మారింది. గత బీఆర్ఎస్ సర్కారు హయాంలో 3.50కోట్లకుపైగా నిధులతో తీర్చిదిద్దినా.. నిర్లక్ష్యంతో నిరుపయోగంగా మారింది. విద్యుత్ స్తంభాలు తుప్పు పట్టి పోతున్నాయి. పిచ్చి మొక్కలు పెరిగాయి.
వీధి దీపాలు వెలగడం లేదు. చెరువు మొత్తం గుర్రపు డెక్క పేరుకుపోయింది. బోటు, స్పీడ్ బోటు మూ లన పడ్డాయి. గుర్రపు డెక్క తొలగింపు కోసం గతేడాది మున్సిపల్ నుంచి 14 లక్షలు కేటాయించినా, పనులు తూతూ మంత్రంగా చేసి వదిలేశారని పట్టణ ప్రజలు ఆరోపిస్తున్నారు. ఇప్పటికైనా ఉన్నతాధికారులు స్పందించి ట్యాంక్బండ్ను వినియోగంలోకి తేవాలని కోరుతున్నారు.