కరీంనగర్ కమాన్ చౌరస్తా, జనవరి 7: కండ్లు కనిపించకున్నా చదువులో రాణిస్తున్న లక్కీ మిరానీ నటనలోనూ మెప్పిస్తున్నాడు. స్వయంగా దర్శకత్వం వహించి, నటించిన ‘లైట్ అండ్ డార్క్’ చిత్రానికి మెండ ఫౌండేషన్ షైనింగ్ స్టార్ ఆఫ్ సౌతిండియా-2023 పురస్కారానికి ఎంపిక చేసింది.
శనివారం రాత్రి బెంగళూర్లో ఓ హోటల్లో అట్టహాసంగా ఏర్పాటు చేసిన కార్యక్రమంలో లక్కీమిరానీకి అవార్డును ప్రదానం చేశారు. ఈ సందర్భంగా నగరానికి చెందిన పలువురు ప్రముఖులు ఆయనను అభినందించారు. మున్ముందు తాను ఎంచుకున్న రంగాల్లో మరింతగా రాణించాలని ఆకాంక్షించారు.