జగిత్యాల టౌన్/ ధర్మారం, మే 30: మళ్లీ భానుడు భగ్గుమంట్నున్నాడు. రోహిణీ కార్తెలో రోకండ్లు పగిలేలా దంచికొడుతున్నాడు. ఉదయం 9 గంటల నుంచే ప్రతాపం చూపుతున్నడు. 11గంటల నుంచే మాడు పగుల కొడుతున్నడు. మధ్యాహ్నం కల్లా నిప్పుల కొలిమిలా మారుతుండగా, రోడ్లన్నీ నిర్మానుష్యంగా మారతున్నాయి.
సాయంత్రం దాకా భగ్గుమంటుండగా.. గురువారం పెద్దపల్లి జిల్లా కమాన్పూర్లో గరిష్ఠ ఉష్ణోగ్రతలు 46.7 డిగ్రీలు నమోదయ్యాయి. జగిత్యాల జిల్లా ధర్మపురి మండలం జైనలో 45.8, కరీంనగర్ జిల్లా జమ్మికుంటలో 45.4, రాజన్న సిరిసిల్ల జిల్లా ఇల్లంతకుంటలో 44.00 డిగ్రీలు రికార్డయ్యాయి. ఉమ్మడి జిల్లావ్యాప్తంగా ఇలాంటి పరిస్థితే ఉండగా, ప్రజలు పొద్దంతా ఇండ్ల నుంచి బయటికి రాలేని పరిస్థితులు నెలకొన్నాయి.