కార్పొరేషన్, మే 11: కరీంనగర్ బీఆర్ఎస్ ఎంపీ అభ్యర్థి వినోద్కుమార్ను భారీ మెజార్టీతో గెలిపించుకోవాలని మాజీ ఎంపీ బడుగుల లింగయ్య యాదవ్ ప్రజలకు పిలుపునిచ్చారు. నగరంలో శనివారం ఆయన జడ్పీ మాజీ చైర్పర్సన్ తుల ఉమ, రాష్ట్ర టూరిజం డెవలప్మెంట్ కార్పొరేషన్ మాజీ చైర్మన్ గెల్లు శ్రీనివాస్ యాదవ్తో కలిసి విలేకరులతో మాట్లాడారు. గొల్ల, కురుమలందరూ బీఆర్ఎస్కే మద్దతు ప్రకటిస్తున్నట్లు తెలిపారు. బీఆర్ఎస్ గొల్లకురుమలకు ఐదు ఎమ్మెల్యే సీట్లతో పాటు మంత్రి, ఎమ్మెల్సీ, కార్పొరేషన్ పదవులను ఇచ్చిందన్నారు.
బీజేపీ అసెంబ్లీ ఎన్నికల్లో గొల్లకురుమలను అవమానించిందని పేర్కొన్నారు. అబద్ధపు హామీలతో అధికారంలోకి వచ్చిన కాంగ్రెస్ ప్రజలను మోసం చేస్తున్నదని దుయ్యబట్టారు. అభివృద్ధే లక్ష్యంగా పని చేసే వినోద్కుమార్ను గెలిపించాలని కోరారు. జడ్పీ మాజీ చైర్పర్సన్ తుల ఉమ మాట్లాడుతూ, కాంగ్రెస్ చేసిన మోసాన్ని ప్రజలు గుర్తించి, బీఆర్ఎస్కు మద్దతు ఇస్తున్నారని తెలిపారు. టూరిజం కార్పొరేషన్ మాజీ చైర్మన్ గెల్లు శ్రీనివాస్ మాట్లాడుతూ, బీసీల సమస్యలపై మాట్లాడే వ్యక్తి వినోద్కుమార్ అని పేర్కొన్నారు. సమావేశంలో గొల్ల, కురుమ సంఘం నాయకులు ఐలేందర్యాదవ్, బీరయ్య, అనిల్, తదితరులు పాల్గొన్నారు.