కలెక్టరేట్, మే 15 : కరీంనగర్ ఎస్సారార్ కళాశాలలో భద్రపరిచిన ఈవీఎంల స్ట్రాంగ్ రూమ్ల వద్ద, భద్రతా సిబ్బంది అప్రమత్తంగా ఉండాలని కరీంనగర్ పార్లమెంట్ రిటర్నింగ్ అధికారి, కలెక్టర్ పమేలా సత్పతి ఆదేశించారు. బుధవారం ఆమె పోలీస్ కమిషనర్ అభిషేక్ మొహంతితో కలిసి స్ట్రాంగ్రూమ్లను సందర్శించారు. భద్రత ఏర్పాట్లను పర్యవేక్షించారు.
సీసీ కెమెరాల పనితీరు, పోలీస్ సిబ్బంది విధుల నిర్వహణ తదితర అంశాలపై చర్చించి అధికారులకు దిశా నిర్దేశం చేశారు. అదేవిధంగా కళాశాల పరిసరాలు పరిశీలించారు. ఉదయం, సాయంత్రం వేళల్లో వాకర్స్, ఇతరులు కాలేజీలోకి రాకుండా కట్టుదిట్టమైన చర్యలు చేపట్టాలని అధికారులకు సూచించారు. లెకింపు పూర్తయ్యే వరకు రాత్రి వేళల్లో కూడా అలర్ట్గా ఉండాలన్నారు. వారి వెంట కరీంనగర్ ఆర్డీవో కే మహేశ్వర్, టౌన్ ఏసీపీ నరేందర్ ఉన్నారు.