కార్పొరేషన్, మే 13: కరీంనగర్ నియోజకవర్గ ఓటర్లు ప్రజలకు మంచి చేసేవారిని, అభివృద్ధి చేసే ప్రభుత్వాన్ని ఎన్నుకోవాలని ఎమ్మెల్యే గంగుల కమలాకర్ సూచించారు. పార్లమెంట్ ఎన్నికల సందర్భంగా సోమవారం స్థానిక క్రిస్టియన్ కాలనీలోని శ్రీయ వొకేషనల్ జూనియర్ కళాశాలలో ఏర్పాటు చేసిన పోలింగ్ కేంద్రంలో కుటుంబ సభ్యులతో కలిసి ఓటు హకు వినియోగించుకున్నారు.
ఈ సందర్భంగా ఎమ్మెల్యే మాట్లాడుతూ, ఓటు హకు ద్వారానే పనిచేసే ప్రభుత్వాన్ని ఎన్నుకోవచ్చన్నారు. దేశంతో పాటు రాష్ట్ర అభివృద్ధిని కాంక్షించే వ్యక్తిని ఎన్నుకోవాలన్నారు. ఎమ్మెల్యే వెంట బీఆర్ఎస్ నాయకులు మేచినేని అశోక్ రావు, బత్తుల శ్రీధర్, లంక రవీందర్, గంటల రేణుక, పవన్, రాజు ఉన్నారు.