కమాన్చౌరస్తా, డిసెంబర్ 23 : త్వరలో విడుదలవుతున్న తన సినిమా ‘లక్కీ లక్ష్మణ్’కు ఘన విజయం కట్టబెట్టాలని, ఇండస్ట్రీలో జిల్లా పేరు నిలబెడతానని బిగ్ బాస్ ఫేం, నటుడు సోహెల్ అన్నారు. జిల్లా కేంద్రంలో ‘సోహెల్ హెల్ఫీ హ్యాం డ్స్ చారిటబుల్ ట్రస్ట్’ ఆధ్వర్యంలో శుక్రవారం ఏర్పాటు చేసిన మెడికల్ క్యాంపునకు ఆయన ముఖ్య అతిథిగా హాజరయ్యారు.
అనంతరం ఓ హోటల్లో ఏర్పాటు చేసిన సమావేశంలో మాట్లాడారు. సుమారు రూ.36 లక్షలతో ట్రస్టును నడుపుతున్నామన్నారు. చిన్నారుల విద్య, వైద్యం కోసం ఆ డబ్బు ఖర్చు చేస్తున్నామని చెప్పారు. తాను నటించిన ‘లకీ లక్ష్మణ్’ చిత్రం ఈ నెల 30న విడుదల అవుతుందని, ప్రస్తుతం నాలుగు సినిమాలు చేస్తున్నానని పేర్కొన్నాడు. బిగ్ బాస్ లో అందరూ తనకిచ్చిన ప్రోత్సాహం మరువలేనిదన్నారు. ఈ సమావేశంలో మహేందర్, అభిమానులు, ట్రస్ట్ బాధ్యులు పాల్గొన్నారు.