టెక్సాస్: ఆమెకు 90 ఏండ్లు.. 74 ఏండ్ల పాటు డిపార్టుమెంట్ స్టోర్లలో ఉద్యోగం.. ఇప్పుడు ఆమె ఉద్యోగం నుంచి పదవీ విరమణ పొందుతున్నది. ఒక మహిళ ఏడు దశాబ్దాల పాటు అవిశ్రాంతంగా ఉద్యోగం చేసిందంటే ఎవరికైనా ఆశ్చర్యం కలుగుతుంది. అదీ ఒక్కరోజు కూడా విధులకు ఎగనామం పెట్టలేదంటే వామ్మో అనక తప్పదు. అమెరికాలోని టెక్సాస్కు చెందిన మెబానే అనే ఈ వృద్ధురాలు ఇప్పుడు వార్తల్లో వ్యక్తిగా నిలిచింది.
1949లో ఎలివేటర్ గర్ల్గా ఉద్యోగంలో చేరినప్పటి నుంచి పలు డిపార్ట్మెంట్ స్టోర్లలోవివిధ హోదాలలో 74 ఏండ్ల పాటు అవిశ్రాంతంగా ఉద్యోగం చేసింది.ఇక తాను రిటైర్ అవుదామని నిర్ణయించుకున్నట్టు ఆమె ఇటీవల ప్రకటించారు. ఈ సందర్భంగా ఆమెకు ఘనంగా వీడ్కోలు పలికారు. మీడియాలో మెబానే గురించి ప్రముఖంగా ప్రచారమైంది. ఉద్యోగిగా, తల్లిగా, మెంటార్గా, శిక్షకురాలిగా, పర్యవేక్షకురాలిగా ఆమె ఏడు దశాబ్దాలకు పైగా సేవలందించారని పలువురు ప్రశంసించారు. ఆమె ఒక్కరోజు కూడా విధులకు గైర్హాజరు కాలేదని వారు పేర్కొన్నారు.