టోక్యో: జపాన్ (Japan) తీరంలో ఓ మహిళ స్విమ్మింగ్ చేస్తూ బీచ్కు సుమారు 80 కిలోమీటర్ల దూరం కొట్టుకువెళ్లింది. అయితే ఆ మహిళను నౌకాదళానికి చెందిన కోస్టు గార్డు రక్షించింది. ఫ్రెండ్తో బీచ్కు వెళ్లిన ఓ 20 ఏళ్ల చైనా దేశీయురాలు .. నడుంకు రిబ్బర్ రింగ్ చుట్టుకుని.. సముద్రంలోకి ఈతకు దిగింది. అయితే సముద్ర అలల మధ్య ఆమె మరింత లోతుల్లోకి వెళ్లిపోయింది. ఈతకు వెళ్లిన అమ్మాయి మిస్సైనట్లు ఆమె ఫ్రెండ్ ఫిర్యాదు ఇచ్చాడు. దీంతో కోస్టుగార్డు హెలికాప్టర్లు సెర్చ్ ఆపరేషన్ మొదలుపెట్టాయి.
దాదాపు 36 గంటల పాటు.. సుమారు రెండు రోజులు ఆమె ఆ సముద్రంలోనే తీరానికి దూరంగా కొట్టుకువెళ్లింది. రబ్బర్ రింగు ఉండడం వల్ల తీరానికి రావడం ఇబ్బందిగా మారినట్లు ఆమె చెప్పింది. బోసో ద్వీపకల్పం సమీపంలో ఆ మహిళను ఓ చిన్న బోటు గుర్తించింది. ఆ బోటుకు చెందిన ఇద్దరు సిబ్బంది సముద్రంలోకి దూకి ఆ మహిళను రక్షించారు.
టోక్యో సమీపంలో ఉన్న షిజువోకా ప్రావిన్సు నుంచి ఆ మహిళ మిస్సైంది. ఆమె పేరును అధికారులు వెల్లడించలేదు. రెండు రోజుల పాటు సముద్ర నీటిలో ఉన్న ఆమె పూర్తిగా డిహైడ్రేట్ అయ్యింది. కానీ స్పృహలోనే ఉన్నట్లు కోస్టుగార్డు అధికారులు తెలిపారు.