లండన్: భారత్కు చెందిన సీరం ఇన్స్టిట్యూట్ ఆఫ్ ఇండియా(ఎస్ఐఐ) సహకారంతో ఆక్స్ఫర్డ్ యూనివర్సిటీ రూపొందించిన మలేరియా టీకాకు ప్రపంచ ఆరోగ్య సంస్థ (డబ్ల్యూహెచ్వో) ఆమోదం తెలిపింది. ఇది మూడు డోసుల టీకా. మలేరియాపై ఇది 75 శాతం ప్రభావవంతంగా పనిచేస్తుందని పరిశోధకులు తెలిపారు. డబ్ల్యూహెచ్వో ఆమోదించిన రెండో మలేరియా టీకా ఇది.
రెండు నిపుణుల బృందాల సలహా మేరకు దీనికి ఆమోదం తెలిపినట్టు డబ్ల్యూహెచ్వో చీఫ్ టెడ్రోస్ అధనోమ్ తెలిపారు. మొదటి టీకా కంటే ఇది మరింత సమర్థవంతమైందని చెప్పారు. మలేరియా పరిశోధకుడిగా ఏదో ఒక రోజు మలేరియాకు టీకా అందుబాటులోకి రావాలని తాను కలలు కన్నానని, నేడు రెండు టీకాలు అందుబాటులో ఉన్నాయని సంతోషం వ్యక్తం చేశారు. 2021లో మలేరియా తొలి టీకాకు డబ్ల్యూహెచ్వో ఆమోదం తెలిపింది. జీఎస్కే సంస్థ రూపొందించిన ఈ టీకా కేవలం 30 శాతం మాత్రమే ప్రభావవంతంగా పనిచేస్తుంది.