Trump News | ట్రంప్‌ వార్తలను ప్రసారం చేయం.. అమెరికన్‌ టీవీ నెట్‌వర్క్‌ల నిర్ణయం

Trump News | సీఎన్‌ఎన్‌ వార్తా సంస్థను ఉమ్మడి(పూల్డ్‌) ప్రతినిధిగా వ్యవహరించడానికి వైట్‌ హౌస్‌ నిరాకరించడంతో అధ్యక్షుడు డొనాల్డ్‌ ట్రంప్‌పై ఉమ్మడి టీవీ కవరేజీని నిలిపివేయడానికి ప్రధాన అమెరికన్‌ టెలివిజన్‌ నెట్‌వర్క్‌లు సోమవారం అంగీకరించినట్టు ది న్యూయార్క్‌ టైమ్స్‌ తెలిపింది.

Trump News | వాషింగ్టన్‌, సెప్టెంబర్‌ 21 : సీఎన్‌ఎన్‌ వార్తా సంస్థను ఉమ్మడి(పూల్డ్‌) ప్రతినిధిగా వ్యవహరించడానికి వైట్‌ హౌస్‌ నిరాకరించడంతో అధ్యక్షుడు డొనాల్డ్‌ ట్రంప్‌పై ఉమ్మడి టీవీ కవరేజీని నిలిపివేయడానికి ప్రధాన అమెరికన్‌ టెలివిజన్‌ నెట్‌వర్క్‌లు సోమవారం అంగీకరించినట్టు ది న్యూయార్క్‌ టైమ్స్‌ తెలిపింది. ఫాక్స్‌ న్యూస్‌ వాషింగ్టన్‌ బ్యూరో చీఫ్‌ బ్రయాన్‌ బౌటన్‌ మీడియా ప్రతినిధుల బృందానికి(పూల్‌ మెంబర్స్‌) పంపిన ఒక సందేశం ద్వారా ఈ విషయాన్ని తెలియచేశారని టైమ్స్‌ పేర్కొంది.

సోమవారం నుంచి అధ్యక్షుడికి సంబంధించిన పూల్‌ కవరేజ్‌(ఉమ్మడి మీడియా కవరేజ్‌) పరిధిలోకి వచ్చే కార్యక్రమాలను టీవీ పూల్‌ కవర్‌ చేయదని బౌగన్‌ పేర్కొన్నారు. దీనికి ప్రత్యామ్నాయంగా మరో పూల్‌ ఏర్పాటు కాదని ఆయన తెలిపారు. ఇతర పూల్‌ కవరేజ్‌ కార్యకలాపాలన్నీ యథావిధిగా కొనసాగుతాయని ఆయన తెలిపారు.