దుబాయ్: గాజా స్ట్రిప్లోని రఫా నగరం నుంచి తరలి వెళ్లినవారు తలదాచుకుంటున్న శిబిరంపై ఇజ్రాయెల్ దాడులు చేసినట్లు గాజా వైద్య శాఖ సోమవారం తెలిపింది. ఈ దాడుల్లో దాదాపు 45 మంది పాలస్తీనియన్లు ప్రాణాలు కోల్పోయినట్లు వెల్లడించింది.
గత ఏడాది అక్టోబరు 7 నుంచి జరుగుతున్న యుద్ధంలో ఇజ్రాయెల్ సైన్యం జరిపిన దాడుల్లో కనీసం 36,050 మంది మరణించారని, 81,026 మంది గాయపడ్డారని తెలిపింది.