US President | వాషింగ్టన్: అమెరికా మాజీ అధ్యక్షుడు ట్రంప్పై ఎన్నికల ప్రచారం సందర్భంగా జరిగిన హత్యాయత్నం సంచలనం రేపింది. ఇంతకు ముందు కూడా అమెరికాలో అధ్యక్షులు, మాజీ అధ్యక్షులు, ప్రధాన పార్టీల అభ్యర్థులే లక్ష్యంగా పలుమార్లు హింసాత్మక దాడులు జరిగాయి. దాడుల కారణంగా ఏకంగా నలుగురు అధ్యక్షులు మరణించగా.. హత్యాయత్నాలతో పలువురు గాయపడ్డారు.
1933లో ఫ్రాంక్లిన్ రూస్వెల్ట్పై(32వ అధ్యక్షుడు), 1950లో హర్రీ ఎస్ తుర్మాన్ (33వ అధ్యక్షుడు), 1975లో జెరాల్డ్ ఫోర్డ్పై (38వ అధ్యక్షుడు), 1981లో రొనాల్డ్ రీగన్(40వ అధ్యక్షుడు), 2005లో జార్జి డబ్ల్యూ బుష్(43వ అధ్యక్షుడు)పై హత్యాయత్నాలు జరిగాయి. పలువురు అధ్యక్ష అభ్యర్థులపై కాల్పుల ఘటనలు చోటుచేసుకున్నాయి.