సియోటెల్: భారతీయ విద్యార్థిని మరణంపై నవ్వడమే కాక, అనుచిత వ్యాఖ్యలు చేసిన అమెరికా పోలీస్ అధికారిని ఎట్టకేలకు విధుల నుంచి తప్పించారు. ఆంధ్రప్రదేశ్కు చెందిన జాహ్నవి కందుల (23) గత ఏడాది జనవరి 23న రోడ్డును దాటుతుండగా సియోటెల్ పోలీస్ అధికారి ఒకరు నడుపుతున్న పోలీస్ వాహనం ఢీకొనడంతో మరణించింది.
ఆ సమయంలో డ్రైవర్ వాహనాన్ని 74 కి.మీ వేగంతో నడుపుతున్నాడు. అయితే ఆమె మరణంపై పోలీస్ అధికారి డేనియల్ అడెరెర్ బిగ్గరగా నవ్వుతూ ఎగతాళిగా మాట్లాడాడు. అతని చర్యపై అప్పట్లో తీవ్ర నిరసనలు వ్యక్తమయ్యాయి. దీంతో డేనియల్ను అప్పట్లో సస్పెండ్ చేసిన అధికారులు తాజాగా అతడిని విధుల నుంచి పూర్తిగా తొలగిస్తున్నట్టు ప్రకటించారు. దీనిపై సియోటెల్ పోలీస్ శాఖ చీఫ్ స్యూ రహర్ మాట్లాడుతూ డేనియల్ చేసిన వ్యాఖ్యలు పోలీసు శాఖకు అవమానమని అన్నారు.