Obesity | స్టాక్హోమ్, మే 11: ఊబకాయం వల్ల క్యాన్సర్ ముప్పు పెరుగుతుందని, 40 శాతం క్యాన్సర్ కేసుల్లో కారణాలు ఊబకాయంతో ముడిపడి ఉన్నవేనని స్వీడన్లోని లండ్ యూనివర్సిటీకి చెందిన పరిశోధకుల అధ్యయనంలో వెల్లడైంది. వీరు 40 ఏండ్ల పాటు 41 లక్షల మందిని పర్యవేక్షించారు. వీరి బరువు, జీవనశైలిని పరిశీలించారు. వీరిలో 3.32 లక్షల క్యాన్సర్ కేసులు గుర్తించారు. వీటిలో 40 శాతం కేసులకు, అధిక శరీర బరువుకు సంబంధం ఉందని తేల్చారు.
32 రకాల క్యాన్సర్కు ఊబకాయం కారణమవుతుందని గుర్తించారు. సాధారణ శరీర బరువును కలిగి ఉండటం ద్వారా క్యాన్సర్ ముప్పును నివారించవచ్చని పరిశోధకులు తెలిపారు. ఇప్పటివరకు ఆధారాలున్న వాటి కంటే ఎక్కువ రకాల క్యాన్సర్లు ఊబకాయంతో ముడిపడి ఉండొచ్చని యూరోపియన్ అసోసియేషన్ ఫర్ ది స్టడీ ఆఫ్ ఒబెసిటీ అధ్యక్షుడు ప్రొఫెసర్ జసోన్ హల్ఫోర్డ్ తెలిపారు.