Super Jupiter | కేప్ కానావెరల్, జూలై 25: గురుగ్రహానికి ఆరు రెట్లు పెద్దదైన ‘సూపర్ జూపిటర్’ను అంతర్జాతీయ పరిశోధకుల బృందం గుర్తించింది. నాసాకు చెందిన శక్తివంతమైన జేమ్స్ వెబ్ స్పేస్ టెలిస్కోప్ను ఉపయోగించి ఈ భారీ గ్రహానికి చెందిన కొన్ని చిత్రాలను తీసింది. ఇందుకు సంబంధించిన వివరాలు ‘నేచర్’ జర్నల్లో ప్రచురితమయ్యాయి. ఈ గ్రహం తన నక్షత్రం చుట్టూ ఒక్కసారి తిరగడానికి దాదాపు 100 నుంచి 250 ఏండ్ల వరకు పడుతుందని పరిశోధకులు గుర్తించారు.
భూమి, సూర్యుడి మధ్య ఉన్న దూరం కంటే ఈ గ్రహానికి, దాని నక్షత్రానికి మధ్య ఉన్న దూరం దాదాపు 15 రెట్లు అధికంగా ఉందని భావిస్తున్నారు. పూర్తిగా గ్యాస్తో తయారైన ఈ గ్రహ వాతావరణం భూవాతావరణానికి చాలా భిన్నంగా ఉండొచ్చని ఈ పరిశోధక బృందానికి నేతృత్వం వహించిన ఎలిసబెత్ మాథ్యూస్ తెలిపారు