Baldness | లండన్: ప్రపంచంలో దాదాపు 50 శాతం మంది పురుషులు ఎదుర్కొనే బట్టతల సమస్యకు తాము పరిష్కారం గుర్తించామని చెప్తున్నారు బ్రిటన్, పాకిస్థాన్కు చెందిన కొందరు పరిశోధకులు. జీవుల్లో సహజంగా ఉత్పత్తయ్యే 2-డీయాక్సీ-డీ-రిబోస్ అనే జీవుల్లో సహజంగా ఉత్పత్తయ్యే చక్కెర ద్వారా బట్టతలపై వెంట్రుకలు తెప్పించవచ్చని చెప్తున్నారు.
బ్రిటన్లోని యూనివర్సిటీ ఆఫ్ షెఫీల్డ్, పాకిస్థాన్లోని కామ్సాట్స్ యూనివర్సిటీకి చెందిన పరిశోధకులు ఈ చక్కెరను గుర్తించారు. ఇది రక్తనాళాల ఏర్పాటుకు దోహదపడుతుందని, వెంట్రుకల కుదుళ్లను పోషించి కొత్త వెంట్రుకలు పెరిగేందుకు ఉపయోగపడుతుందని వీరు తెలిపారు.
గాయాన్ని మానిపించేందుకు రక్తనాళాన్ని పెంచేందుకు గత ఎనిమిదేండ్లుగా 2-డీయాక్సీ-డీ-రిబోస్ వినియోగంపై ప్రయోగాలు చేస్తున్నామని, అనూహ్యంగా ఇది వెంట్రుకలు పెరగడానికి కూడా ఉపయోగపడుతుందని తేలిందని చెప్పారు. ఇప్పుడు బట్టతలకు చికిత్సగా ఇస్తున్న మైనాక్సిడిల్ ఇచ్చే ఫలితాలకు సమానంగా దీని ఫలితాలు కూడా ఉన్నాయని తేలిందని పేర్కొన్నారు.