AIDS | బెర్లిన్, జూలై 18: ఎయిడ్స్ మహమ్మారి చికిత్సలో మరో ముందడుగు పడింది. జర్మనీకి చెందిన 60 ఏండ్ల వ్యక్తికి ఈ వ్యాధి పూర్తిగా నయమైంది. 40 ఏండ్ల ఎయిడ్స్ చరిత్రలో పూర్తిగా ఈ వ్యాధి బారి నుంచి బయటపడ్డ ఏడో వ్యక్తి ఈయన. బాధితుడికి చేసిన స్టెమ్ సెల్ చికిత్స విజయవంతమైనట్టు వైద్యులు గురువారం ప్రకటించారు. ఇతడికి 2015లో ప్రమాదకరమైన, నొప్పితో కూడుకున్న స్టెమ్ సెల్ ట్రాన్స్ప్లాంట్ చేసినట్టు తెలిపారు.
హెచ్ఐవీతో పాటు మైలాయిడ్ లుకేమియా ఉన్న వారికి మాత్రమే ఈ చికిత్స చేస్తామన్నారు. ఈ చికిత్స తీసుకున్నప్పటి నుంచి ఇతడి శరీరంలో మళ్లీ వైరస్ జాడలు కనిపించలేదని వైద్యులు తెలిపారు. కాగా, ఎయిడ్స్ బారి నుంచి పూర్తిగా బయటపడ్డ మొదటి వ్యక్తి టిమోతి రే బ్రౌన్కు కూడా లుకేమియా సమస్య ఉండేది. దీంతో 2007లో ఆయనకు కూడా స్టెమ్ సెల్ ట్రాన్స్ప్లాంట్ చేశారు. ఆ తర్వాత అతడు ఈ వ్యాధి నుంచి పూర్తిగా కోలుకున్న మొదటి వ్యక్తిగా నిలిచారు.