Falcon 9 Rocket | కాలిఫోర్నియా, జూలై 14: అమెరికా ప్రైవేట్ అంతరిక్ష కంపెనీ ‘స్పేస్ ఎక్స్’ (ఎలాన్ మస్క్ సొంత సంస్థ) తాజాగా చేపట్టిన ‘ఫాల్కాన్-9’ రాకెట్ ప్రయోగం విఫలమైంది. ఒకేసారి 20 శాటిలైట్లను రాకెట్ భూ కక్ష్యలో చేర్చలేకపోయింది. సాంకేతిక లోపం కారణంగా నిర్దేశిత కక్ష్యలో కాకుండా, దానికన్నా దిగువన ఉన్న కక్ష్యలోకి శాటిలైట్స్ ప్రవేశించాయి.
ఈ నేపథ్యంలో ఆ శాటిలైట్స్ త్వరలో భూమి మీదకు దూసుకొచ్చి.. కుప్పకూలనున్నాయి అంటూ ‘స్పేస్ ఎక్స్’ అధికారిక వెబ్సైట్ వెల్లడించింది ‘గురువారం రాత్రి కాలిఫోర్నియా నుంచి చేపట్టిన రాకెట్ ప్రయోగం విఫలమైంది. ఈ నేపథ్యంలో ఆ శాటిలైట్స్ భూ వాతావరణంలోకి తిరిగి ప్రవేశించి.. నశిస్తాయి.’అని ఒక ప్రకటనలో తెలియజేసింది.