జకర్తా, మే 29: కొత్తగా పెండ్లి అయిన ఇండోనేషియా యువకుడికి ఊహించని అనుభవం ఎదురైంది. తన భార్య అమ్మాయి కాదు.. అబ్బాయని తెలిసి అతడు షాక్ తిన్నాడు. పెండ్లయిన 12 రోజులకు ఈ విషయం బయటపడింది. సౌత్ చైనా మార్నింగ్ పోస్ట్ కథనం ప్రకారం.. 26 ఏండ్ల యువకుడు గత ఏడాది సామాజిక మాధ్యమంలో పరిచయమైన అదినా కంజాను ఏప్రిల్ 12న వివాహం చేసుకున్నాడు. పెండ్లి అయిన తర్వాత భార్య నిరంతరం ముఖం దాచుకోవడం, దగ్గరకు రాకపోవడం, ఏదో వంక పెడుతూ కలయికకు దూరంగా ఉండటంతో అతడికి అనుమానం వచ్చింది. తీరా విచారించగా విస్తుపోయే నిజాలు తెలిశాయి. వాస్తవానికి తనకు తల్లిదండ్రులు లేరంటూ ఆమె చెప్పినవన్నీ అబద్ధాలని, వారు బతికే ఉన్నారని తెలుసుకున్నాడు. వారి ద్వారా అదినా అమ్మాయి కాదు అబ్బాయి అని తెలిసి విస్తుపోయాడు. తన ఆస్తి కాజేయడానికే అమ్మాయిగా నటించినట్టు తేలింది. దీంతో పోలీసులకు ఫిర్యాదు చేయడంతో వారు అదినాను అరెస్ట్ చేశారు.